Созмони Милали Муттаҳид ба нақши Президенти Ҷумҳурии Тоҷикистон дар пешбурди рӯзномаи глобалӣ оид ба масъалаҳои об баҳои баланд медиҳад
![](https://khovar.tj/wp-content/uploads/2024/06/Li-un-ua.jpg)
ДУШАНБЕ, 11.06.2024 /АМИТ «Ховар»/. «Суҳбат бо Президенти Ҷумҳурии Тоҷикистон муҳтарам Эмомалӣ Раҳмон, ки дар доираи Конфронси сеюми байналмилалӣ оид ба Даҳсолаи байналмилалии амал «Об барои рушди устувор, солҳои 2018-2028» баргузор гардид, хеле пурмаҳсул буд», — иброз намуд имрӯз дар брифинг барои рӯзноманигорон муовини Дабири кулли Созмони Милали Муттаҳид оид ба масоили иқтисодӣ ва иҷтимоӣ Ли Ҷунҳуа.
Тавре муовини Дабири кулли Созмони Милали Муттаҳид оид ба масоили иқтисодӣ ва иҷтимоӣ изҳор намуд, Созмони Милали Муттаҳид ба нақши Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати мамлакат дар пешбурди рӯзномаи ҷаҳонӣ оид ба масъалаҳои об баҳои баланд медиҳад.
«Мо аз муроҷиати илҳомбахшашон субҳи имрӯз хеле руҳбаланд шудем. Созмони Милали Муттаҳид ба идомаи ҳамкорӣ бо Тоҷикистон барои ба таври дастҷамъона пеш бурдани рӯзномаи об дар чаҳорчӯби Ҳадафҳои Рушди Устувор ҳавасманд аст»,- гуфт Ли Ҷунҳуа.
АКС: АМИТ «Ховар»