«СУҒД-2024». Дар ин ярмаркаи байналмилалӣ 500 нафар меҳмон аз дохил ва хориҷи Тоҷикистон иштирок менамояд

Июнь 18, 2024 11:01

ДУШАНБЕ, 18.06.2024 /АМИТ «Ховар»/.  18-19 июни соли равон дар шаҳри Хуҷанд 10-умин Ярмаркаи  байналмилалии савдо «Суғд-2024» баргузор мешавад, ки дар он беш аз 500 меҳмон аз дохил ва хориҷи мамлакат иштирок менамояд. Дар ярмака ширкату корхонаҳои истеҳсолии Тоҷикистон маҳсулоти гуногуни худро муаррифӣ намуда, барои дарёфти бозори нав бо шарикони рушд созишномаҳои ҳамкорӣ ба имзо мерасонанд.

Тавре ба АМИТ «Ховар» дар Хадамоти матбуоти Раиси вилояти Суғд хабар доданд, айни замон сафирон ва намояндагони корпусҳои дипломатии Узбекистон, Қирғизистон, Қазоқистон,  Русия, Озарбойҷон, Беларус, Туркманистон, Туркия, Арабистони Саудӣ, Ҷопон, Эрон, Словакия, Лаҳистон ва Покистон ба вилоят ташриф овардаанд.

Ҳамзамон роҳбарият ва намояндагони Палатаи савдо ва саноати вилоятҳои Нижегород, Москва, Свердловск, Пенза, Липетск, Челябинск ва Воронежи Федератсияи Русия, шаҳри Шимкенти Ҷумҳурии Қазоқистон, шаҳри Ганҷаи Озарбойҷон, вилоятҳои Тошканд, Намангон, Фарғона, Самарқанд, Бухоро, Сирдарёи Ҷумҳурии Узбекистон, музофоти Шенсии Ҷумҳурии Мардумии Чин, ташкилотҳои молиявии байналмилалӣ низ дар ин ярмаркаи байналмилалӣ иштирок менамоянд.

Меҳмонони баландмақом ва доираҳои тиҷоратии ин мамлакатҳо давоми рӯзи 18 июн дар маросими ифтитоҳи даҳумин Ярмаркаи байналмилалии савдо «Суғд-2024» ва  Форуми «Имкониятҳои тиҷоратию сармоягузорӣ»  иштирок мекунанд.

Ҳадафи ярмаркаи мазкур дастгирии савдои байналмилалӣ, баланд бардоштани неруи содиротӣ, ба роҳ мондани ҳамкории судманд бо давлатҳои хориҷии дуру наздик, ҷалби сармоя, воридсозии технологияи нав, густариши ҳамкорӣ байни давлатҳои минтақа ва созмонҳои байналмилалии молиявӣ мебошад.

АКС аз бойгонӣ

Июнь 18, 2024 11:01

Хабарҳои дигари ин бахш

Имрӯз дар Вазорати фарҳанг, Кумитаи телевизион ва радио, Ваколатдор оид ба ҳуқуқи инсон, КВД «Хоҷагии манзилию коммуналӣ» ва МД «Телевизиони Сафина» нишасти матбуотӣ баргузор мегардад
Бо иқдоми соҳибкорони ватанӣ заминҳои кишоварзии ноҳияи Деваштич обёрӣ гардиданд
Таътили тобистонаи хонандагон дар истироҳатгоҳи омӯзишии «Истиқлол»-и назди Донишгоҳи давлатии Кӯлоб бофароғат мегузарад
Пагоҳ дар Вазорати фарҳанг, Кумитаи телевизион ва радио, Ваколатдор оид ба ҳуқуқи инсон, КВД «Хоҷагии манзилию коммуналӣ» ва МД «Телевизиони Сафина» нишасти матбуотӣ баргузор мегардад
Имрӯз дар шаҳри Душанбе ҳаво то 39 дараҷа гарм мешавад
Ғиёсиддин Ашӯрзода раиси Ҳизби ислоҳоти иқтисодии Тоҷикистон интихоб гардид
Дар ноҳияи Данғара вохӯрии масъулин бо сокинон бо усули «Маҳал ба маҳал» ва «Деҳа ба деҳа» баргузор гардид
Имрӯз дар баъзе аз минтақаҳои Тоҷикистон хавфи омадани сел боқӣ мемонад
ҲАР КАС БА ЗАБОНИ ХУД СУХАНДОН ГАРДАД. Китобҳо дар нигоҳ доштани забон нақши аввалияро мебозанд
Дар кӯчаҳои Хоруғ 150 қуттии муосир барои партовҷамъкунӣ гузошта шуд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар баъзе минтақаҳои Тоҷикистон хавфи омадани сел боқӣ мемонад