ТАЪМИНИ АМНИЯТИ ОЗУҚАВОРӢ. Кишоварзони ноҳияи Фархор дар заминҳои холишуда кишти такрорӣ мегузаронанд
ФАРХОР, 24.06.2024 /АМИТ «Ховар»/. Кишоварзони ноҳияи Фархор бо мақсади саҳм гузоштан дар таъмини амнияти озуқавории мамлакат, ҷиҳати истифодаи самараноки замин ва руёнидани ду — се ҳосил аз он тадбирҳои муассир меандешанд. Бо ин мақсад имрӯзҳо тамоми техникаи кишоварзиро ба ҷамъоварии ғалла ва дигар маҳсулоти кишоварзӣ сафарбар намуда, дар заминҳои холишуда кишти такрорӣ мегузаронанд, хабар медиҳад мухбири минтақавии АМИТ «Ховар».
Фархор нисбат ба дигар ноҳияҳои минтақаи Кӯлоб гармтар буда, дар ин ноҳия кишоварзон корҳои саҳроиро 15-20 рӯз пештар оғоз менамоянд. Маҳсулоти кишоварзӣ бошад барвақттар пухта мерасад. Айни замон бо истифода аз техникаҳои мавҷуда ва шароити хуби муҳайёгардида, дар ҳамаи хоҷагиҳои деҳқонию инфиродӣ ва кооперативҳои истеҳсолӣ ҷамъоварии ғалладонагӣ вусъат ёфта, ҳар рӯз беш аз 80-100 гектар замини ғалла дарав карда мешавад.
Тавре сардори шуъбаи кишоварзии ноҳияи Фархор Муҳаммадшариф Намозов иттилоъ дод, «аксари хоҷагиҳои деҳқонӣ дар заминҳои корами лалмӣ ғалладонагӣ ва зироати техникӣ коридаанд. Номусоидии обу ҳаво ба ҳосилнокии ғалладонагӣ таъсири манфӣ нарасонида, кишоварзон ҷамъоварии ҳосили фаровонро интизоранд. Хоҷагидорон тамоми намуди маҳсулоти кишоварзӣ парвариш намуда, айни замон нашъунамои зироат хуб аст».
Ба гуфтаи ҳамсуҳбати мо, рӯзҳои наздик ҳосили помидору қаланфур ва полезӣ ба бозор бароварда шуда, дар заминҳои аз ғалладонагиҳо холишуда кишти такрорӣ гузаронида мешавад.
Таъкид гардид, ки дар ноҳияи Фархор имсол кишоварзон бо саъю талош аз иҷрои нақшаи дурнамои маҳсулоти кишоварзӣ бо сарбаландӣ мебароянд, ки ин натиҷаи дастрасӣ ба техника ва тухмиҳои хушсифату таъмини саривақтии оби полезӣ мебошад.
АКС: АМИТ «Ховар»
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон чангу ғубор ба амал меояд
МегаФон Тоҷикистон дар ҷумҳурӣ нахустин пайвасткунии тарофаҳо ва хизматрасониҳоро тавассути сомонаи расмӣ ба роҳ монд
Имрӯз дар Тоҷикистон ҳавои тағйирёбанда пешгӯӣ мешавад
Дар Бохтар оид ба даъвати баҳории ҷавонон ба хизмати ҳарбӣ ҳамоиш баргузор гардид
Имрӯз дар водиҳои Тоҷикистон ҳаво то 27 дараҷа гарм мешавад
Зудтару дақиқтар: дар Тоҷикистон сифати хизматрасониҳои мобилиро беҳтар мекунанд
Имрӯз дар шаҳри Душанбе ҳаво то 27 дараҷа гарм мешавад
Имрӯз дар Тоҷикистон ҳаво абрнок шуда, борон меборад
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
