ТАЪМИНИ АМНИЯТИ ОЗУҚАВОРӢ. Кишоварзони ноҳияи Рашт зиёда аз сад фоиз нақшаи дурнамои кишти картошкаро иҷро карданд

Июнь 19, 2024 18:22

РАШТ, 19.06.2024 /АМИТ «Ховар»/. Кишоварзони ноҳияи Рашт зиёда аз сад фоиз нақшаи дурнамои кишти картошкаро иҷро намуданд. Ҳамчунин сокинони ноҳия баҳри самаранок истифода бурдани заминҳои наздиҳавлигӣ дар майдони 1850 гектар картошкаи барвақтӣ кишт намудаанд. Имрӯзҳо дар қисматҳои баландкӯҳҳои ноҳия дар заминҳои хоҷагиҳои деҳқонӣ кишти картошка идома дорад.

Тавре ба хабарнигори минтақавии АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии ноҳияи Рашт иттилоъ доданд, то имрӯз картошкапарварон дар 1603 гектар кишти картошка гузаронданд, ки зиёда аз 100 фоизи нақшаи кишти картошкаро дар сохтори кишоварзии ноҳия ташкил медиҳад.

Мувофиқи иттилои кормандони шуъбаи кишоварзии ноҳияи Рашт, имсол 90 фоизи деҳқонони ноҳия навъи картошкаи «Тоҷикистон-24»-ро кишт намуданд. Ин навъи картошка ба муҳити ноҳия созгор буда, ҳосили фаровон дорад. Вазорати кишоварзии Ҷумҳурии Тоҷикистон 95 тонна картошка тариқи бозгашт ба хоҷагиҳои деҳқонии ноҳия кумак намудааст.Имсол барои кишти саривақтии картошка 420 техника ва мошинолоти кишоварзӣ сафарбар шудаанд, ки дар натиҷа аввалин шуда, ҷамоатҳои деҳоти Ҷафр 103%, Тагоба 104% ва Оби меҳнат 100% нақшаро иҷро намуданд.

Бояд гуфт, ки картошкапарварӣ яке аз самтҳои асосии кишоварзони ноҳияи Рашт мебошад, ки ҷиҳати таъмини амнияти озуқаворӣ, афзунгардидани имкониятҳои содиротии мамлакат ва бо кори доимӣ таъмин намудани аҳолии деҳот нақши муҳим дорад.

АКС: Мақомоти иҷроияи ҳокимияти давлатии ноҳияи Рашт

Июнь 19, 2024 18:22

Хабарҳои дигари ин бахш

Имрӯз дар Вазорати фарҳанг, Кумитаи телевизион ва радио, Ваколатдор оид ба ҳуқуқи инсон, КВД «Хоҷагии манзилию коммуналӣ» ва МД «Телевизиони Сафина» нишасти матбуотӣ баргузор мегардад
Бо иқдоми соҳибкорони ватанӣ заминҳои кишоварзии ноҳияи Деваштич обёрӣ гардиданд
Таътили тобистонаи хонандагон дар истироҳатгоҳи омӯзишии «Истиқлол»-и назди Донишгоҳи давлатии Кӯлоб бофароғат мегузарад
Пагоҳ дар Вазорати фарҳанг, Кумитаи телевизион ва радио, Ваколатдор оид ба ҳуқуқи инсон, КВД «Хоҷагии манзилию коммуналӣ» ва МД «Телевизиони Сафина» нишасти матбуотӣ баргузор мегардад
Имрӯз дар шаҳри Душанбе ҳаво то 39 дараҷа гарм мешавад
Ғиёсиддин Ашӯрзода раиси Ҳизби ислоҳоти иқтисодии Тоҷикистон интихоб гардид
Дар ноҳияи Данғара вохӯрии масъулин бо сокинон бо усули «Маҳал ба маҳал» ва «Деҳа ба деҳа» баргузор гардид
Имрӯз дар баъзе аз минтақаҳои Тоҷикистон хавфи омадани сел боқӣ мемонад
ҲАР КАС БА ЗАБОНИ ХУД СУХАНДОН ГАРДАД. Китобҳо дар нигоҳ доштани забон нақши аввалияро мебозанд
Дар кӯчаҳои Хоруғ 150 қуттии муосир барои партовҷамъкунӣ гузошта шуд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар баъзе минтақаҳои Тоҷикистон хавфи омадани сел боқӣ мемонад