Тоҷикистон ва Русия масъалаи ба роҳ мондани даврҳои омӯзиши мутахассисони тандурустӣ ва фарматсевтиро баррасӣ намуданд
ДУШАНБЕ, 04.06.2024 /АМИТ «Ховар»/. Дар доираи иштирок дар иҷлосияи 77-уми Маҷмаи умумиҷаҳонии тандурустӣ дар шаҳри Женева ҳайати Ҷумҳурии Тоҷикистон якчанд мулоқоти дуҷониба анҷом дод, аз ҷумла дар Намояндагии доимии Федератсияи Русия дар назди ташкилоти Созмони Милали Мутаҳид баимзорасии «Харитаи роҳ» оид ба мусоидат ба амалисозии Созишномаи байниҳукуматӣ байни Ҷумҳурии Тоҷикистон ва Федератсияи Русия дар соҳаи тандурустӣ, таҳсилоти тиббӣ ва илм доир шуд, иттилоъ доданд ба АМИТ «Ховар» дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон.
Бояд гуфт, ки нақшаи корӣ бо муайян гаштани афзалияти аввалиндараҷа таҳия гашта, он ба масоили ба роҳ мондани даврҳои дароз ва кӯтоҳмуддати омӯзиши мутахассисони тандурустӣ ва фарматсевтӣ мусоидат менамояд.
Тавре қаблан иттилоъ додем, аз 27 май то 1 июн дар шаҳри Женеваи Швейтсария иҷлосияи 77-уми Маҷмаи умумиҷаҳонии тандурустӣ баргузор гардид, ки дар он ҳайати расмии Ҷумҳурии Тоҷикистон таҳти роҳбарии муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон Зулфия Абдусаматзода иштирок намуд.
Ҳамзамон дар доираи интихоботи навбатии директори минтақавии Дафтари Созмони умумиҷаҳонии тандурустӣ оид ба кишварҳои Аврупо вохӯрии ғайрирасмии директори минтақавии Дафтари Созмони умумиҷаҳонии тандурустӣ оид ба кишварҳои Аврупо Ҳанс Клюге бо роҳбарони ҳайатҳои давлатҳои аъзои минтақавии аврупоии Созмони умумиҷаҳонии тандурустӣ барпо гардид.
Гуфта шуд, ки маросими интихобот моҳи октябри имсол дар шаҳри Копенгагени Шоҳигарии Дания гузаронида мешавад ва аз намояндагони давлатҳои аъзо даъват ба амал оварда шуд, ки дар ин маъракаи муҳим иштирок намоянд.
Ҳайати Ҷумҳурии Тоҷикистон ҳамчун узви Кумитаи генералии Маҷмаи умумиҷаҳонии тандурустӣ дар ҷаласаҳои алоқаманд таҳти роҳбарии академик Саломудин Юсуфӣ иштирок намуд.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Оид ба амалишавии Стратегияи миллии фаъолгардонии нақши занон дар Тоҷикистон конференсия доир шуд
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
«ПЕШВОИ МИЛЛАТ — ПЕШВОИ СУЛҲ ВА ТАШАББУСКОРИ ИҚДОМҲОИ ҶАҲОНӢ». Таҳти ин унвон ҳамоиши ҳизбиён баргузор гардид
Раиси Кумитаи кор бо занон ва оилаи Тоҷикистон дар Форуми занони Созмони ҳамкории Шанхай иштирок намуд
ФАРҲАНГИ СУЛҲИ ТОҶИКОН – НАМУНАИ СУЛҲ ДАР ҶАҲОН. Таҳти ин унвон ҳамоиши сиёсӣ ва маърифатӣ баргузор гардид
Дар Вазорати адлия бахшида ба Рӯзи Ваҳдати миллӣ ҳамоиш баргузор шуд
Дар Маркази тадқиқоти стратегӣ бахшида ба қабули Даҳсолаи байналмилалӣ оид ба таҳкими сулҳ конфронс доир шуд
Дар мавзуи «Эмомалӣ Раҳмон — ташаббускор ва таҳкимбахши сулҳ ва суботи сиёсии ҷомеаи ҷаҳонӣ» ҳамоиш доир шуд
