Агентии хоҷагии ҷангал: «Нисбат ба ҳуқуқвайронкунандагони қонунгузории соҳа ба миқдори 780 санад тартиб дода шуд»
ДУШАНБЕ, 25.07.2024. /АМИТ «Ховар»/. Соли равон барои вайрон кардани талаботи қонунгузории соҳаи хоҷагии ҷангал ва шикор нисбат ба ҳуқуқвайронкунандагон ба миқдори 780 санад тартиб дода шуда, ба маблағи 2 миллиону 412,5 ҳазор сомонӣ зарар муайян карда шудааст, ки аз ин маблағ 287,4 ҳазор сомонӣ барқарор гардидааст. Дар ин хусус директори Агентии хоҷагии ҷангал Абдуҷаббор Юсуфзода имрӯз зимни нишасти матбуотӣ ба хабарнигорон иттилоъ дод.
Дар нишасти матбуотӣ гуфта шуд, ки аз миқдори умумии қонунвайронкуниҳои ошкоргардида 381 адад (ба маблағи 506,9 ҳазор сомонӣ) ба буриши ғайриқонунии дарахт, 247 адад (ба маблағи 299,3 ҳазор сомонӣ) ба чорвочаронии худсарона, 84 адад (ба маблағи 39,8 ҳазор сомонӣ) ба ҷамъоварии худсаронаи гиёҳҳои хурданибобу шифобахш, 33 адад ( ба маблағи 42,4 ҳазор сомонӣ) ба шикори беиҷозат, 7 адад (ба маблағи 1 миллиону 535,4 ҳазор сомонӣ) риоя накардани қоидаҳои бехатарӣ аз сӯхтор ва 28 адад (ба маблағи 23 ҳазор сомонӣ) ба дигар намуди қонунвайронкуниҳои ҷангал рост меояд.
Ҳамчунин дар ин давра 530 протоколи ҳуқуқвайронкунии маъмурӣ ба маблағи 156,3 ҳазор сомонӣ тартиб дода шуда, аз он маблағи 144,6 ҳазор сомонӣ ситонида шудааст.
«Агентӣ ҷиҳати ҷуброни товони зарари ба фонди давлатии ҷангал расонидашуда ва ситонидани ҷаримаҳо бо мақомоти ҳифзи ҳуқуқ, махсусан мақомоти прокуратура ҳамкорӣ ба роҳ мондааст. Аз ҷумла, оид ба масъалаи ситонидани маблағи зиёда аз 1675 ҳазор сомонӣ ҷуброни товони зарари ҷангал, ки дар натиҷаи буриши ғайриқонунии ҷангал ва чорвочаронии худсарона ба хоҷагии ҷангали ба номи Н.Ҳувайдуллоеви ноҳияи Ашт расонида шудааст, маводҳо барои баррасӣ ба Прокуратураи генералии Ҷумҳурии Тоҷикистон ирсол карда шуда, мавриди баррасӣ қарор доранд», -гуфт директори Агентӣ.
Таъкид шуд, ки ҷиҳати пешбурди корҳо оид ба самаранок ба роҳ мондани истифодаи захираҳои ҷангал чораҳои зарурӣ андешида шуда, дар ин давра аз ҷониби ташкилоту муассисаҳои системаи Агентӣ, қисман дар якҷоягӣ бо аҳолии маҳал зиёда аз 160,7 тонна растаниҳои ғизоӣ, хӯрданибоб ва шифобахш ҷамъоварӣ шуда, ба бозори истеъмолӣ пешкаш шуд. Инчунин бо мақсади таъмини соҳаи чорводорӣ бо хошоки дурушт дар мавсими зимистони солҳои 2024-2025 ва гузаронидани корҳои биотехникӣ зиёда аз 191 тонна алафи табиӣ тайёр карда шуда, пешбурди корҳо дар ин самт дар хоҷагиҳои ҷангал идома доранд.
Зарангези ЛАТИФ,
Зоҳирҷони ТОИРЗОД (АКС),
АМИТ «Ховар»
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
Имрӯз дар шаҳри Душанбе ҳаво то 39 дараҷа гарм мешавад
Дар Бохтар бахшида ба Рӯзи Ваҳдати миллӣ ҳамоиши сиёсӣ-фарҳангӣ баргузор гардид
Дар назди Муассисаи таҳсилоти миёнаи умумии рақами 2-и шаҳри Норак бинои иловагӣ сохта мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
