Ҳайати Ҷамъияти чинӣ оид ба тадқиқоти ҳуқуқи инсон бо фаъолияти Донишгоҳи миллии Тоҷикистон шинос гардид
ДУШАНБЕ, 26.07.2024. /АМИТ «Ховар»/. Бо мақсади ба роҳ мондани ҳамкории илмию эҷодӣ, омӯзишӣ ва таҳқиқоти ҳуқуқи инсон, имрӯз ҳайати Ҷамъияти чинӣ оид ба тадқиқоти ҳуқуқи инсон бо роҳбарии узви доимии кумита, муовини раиси Комиссия вобаста ба корҳои миллӣ ва динии Шурои умумичинии машваратӣ-сиёсӣ, муовини раиси Ҷамъияти чинӣ оид ба тадқиқоти ҳуқуқи инсон Тзян Тезяго, директори иҷроияи Маркази тадқиқоти ҳуқуқии инсон дар Донишгоҳи Чжунънан профессор Мао Сзюнсян ва аъзои раёсати ҷамъияти чинӣ оид ба таҳқиқи инсон, муовини директори Институти журналистика ва коммуникатсияи донишгоҳи Сзинан, профессор Чжэн Лян ба Донишгоҳи миллии Тоҷикистон ташриф оварданд.
Ректори донишгоҳ Эмомалӣ Насриддинзода меҳмононро ба вазъи имрӯзаи таҳқиқоти илмӣ, низоми таълим, робитаҳои донишгоҳ бо муассисаҳои таҳсилоти олии давлатҳои хориҷӣ, омӯзиши забонҳои хориҷӣ ва неруи илмии донишгоҳ шинос намуд. Ҳамзамон бо таваҷҷуҳи меҳмонон дар самти фаъолияти факултети ҳуқуқшиносӣ ва кафедраи ҳуқуқи инсон ва ҳуқуқшиносии муқоисавӣ инчунин, Донишкадаи таълимию фарҳангии Конфутсий маълумоти мухтасареро манзур намуд.
Таъкид гардид, ки Ҷумҳурии Тоҷикистон роҳи бунёди давлати демократӣ ва ҳуқуқбунёдро пеша намуда, дар он ҳуқуқу озодиҳои инсон мавқеи махсусро ишғол менамояд. Ҳуқуқу озодиҳои инсон ва шаҳрванд зинае мебошад, ки дар асоси он рушди давлат ва ҷомеаи мустақили Тоҷикистон муайян мешавад.
Дар навбати худ муовини раиси Ҷамъияти чинӣ оид ба тадқиқоти ҳуқуқи инсон Тзян Тезяго ҳадафи ташрифро дар мустаҳкам намудани омӯзиши забони чинӣ ва тадқиқоти ҳуқуқии инсон, густариш бахшидани ҳамкорӣ дар самти ихтисосҳои ҳуқуқ арзёбӣ намуд. Дар робита ба масъалаҳои гуногуни ҳуқуқӣ, аз ҷумла низоми таълим ва раванди забономӯзӣ дар ихтисосҳои ҳуқуқшиносӣ ва зарурияти ҷалби ҷавонон ба ҳалли масъалаҳои ҳуқуқи инсон ибрози андеша намуд.
Гуфта шуд, ки Ҷамъияти чинӣ оид ба тадқиқоти ҳуқуқи инсон, масъалаҳои ҳуқуқи инсонро бо назардошти талаботи меъёрҳои байналмилалӣ мавриди баррасӣ қарор дода, дар самти такмили донишҳои ҳуқуқӣ машваратҳои судмандро баён менамояд.
АКС: Донишгоҳи миллии Тоҷикистон
Оид ба дастовардҳои илмии Тоҷикистон дар солҳои соҳибистиқлолӣ ҳамоиш доир шуд
«Барномаи давлатии такмили таълим ва омӯзиши забонҳои русӣ ва англисӣ барои давраи то соли 2030» баррасӣ гардид
Панҷ нуктаи омӯзанда аз Рӯзи дониш ва Дарси сулҳ бо паёми Президенти Тоҷикистон
Дар Донишгоҳи аграрии Тоҷикистон синфхонаи замонавӣ барои донишҷӯён ба истифода дода шуд
Президенти Фонди ОПЕК оид ба рушди байналмилалӣ бо имконоти Донишгоҳи байналмилалии сайёҳӣ ва соҳибкории Тоҷикистон шинос гардид
Муҳаққиқи ҷавони тоҷик Омина Холиқзода дар Чин соҳиби медалҳои тилло ва нуқра гардид
Пешвои миллат Эмомалӣ Раҳмон дар шаҳри Душанбе Муассисаи таълимии ғайридавлатии таҳсилоти миёнаи умумии «Имкон»-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
Имрӯз дар Тоҷикистон беш аз 240 ҳазор кӯдакон ба синфи якум рафтанд
Аз 1 сентябр донишҷӯёни тоҷик дар Русия метавонанд ҷойи зисти худро тавассути барномаи мобилии «Амина» ба қайд гиранд
Президенти Тоҷикистон: «Падару модарон ба тарбияи фарзандон бояд бо масъулияти баланд муносибат намоянд»
Пешвои миллат дастур доданд, ки сифат ва муҳтавои китобҳои насли нав беҳтар карда шавад
