Академияи идоракунии давлатии Тоҷикистон бо 14 ташкилоти байналмилалӣ ҳамкорӣ дорад
ДУШАНБЕ, 23.07.2024. /АМИТ «Ховар»/. Академияи идоракунии давлатии назди Президенти Ҷумҳурии Тоҷикистон робита ва ҳамкориро бо муассисаҳои таҳсилоти олии хориҷи мамлакат густариш дода, ҳоло бо 14 ташкилоти байналмилалӣ ва 32 муассисаи таҳсилоти олии касбии хориҷӣ ҳамкорӣ менамояд. Дар ин хусус имрӯз зимни нишасти матбуотӣ Ректори Академияи идоракунии давлатӣ Даврон Сафарзода иттилоъ дод.
Гуфта шуд, ки Академия барномаи табодули академиро бо муассисаҳои таҳсилоти олии касбии Федератсияи Русия ва Ҷумҳурии Қазоқистон дар асоси созишномаҳои ҳамкорӣ ба роҳ мондааст. Моҳи феврали соли 2024, дар доираи ин барнома 23 нафар донишҷӯ ба муассисаҳои олии касбии хориҷӣ, ки академия бо онҳо созишномаҳои ҳамкорӣ дорад сафарбар гардиданд.
Иттилоъ дода шуд, ки айни ҳол хазинаи китобхонаи илмӣ ва электронии академия 2 миллиону 279 ҳазору 125 нусхаро ташкил медиҳад, ки аз ин шумора 23 125 нусха дар хазинаи асосӣ ва 2 миллиону 256 ҳазор маводи электронӣ дар фонди китобхона дастрас мебошад.
Ҳамзамон ба гуфтаи ректори Академия дар давраи ҳисоботӣ 36 нафар аз ҳайати профессорону омӯзгорон ва кормандони академия дар дохил ва хориҷи мамлакат аз машғулиятҳои такмили ихтисос ва бозомӯзӣ гузаштанд.
Шаҳлои САДРИДДИН,
АМИТ «Ховар»
АКС: АМИТ «Ховар»
ҲАМНАФАСИ МАРДУМ, ҲАМҚАДАМИ ТАЪРИХ. Андешае дар ҳошияи Рӯзи Президенти Ҷумҳурии Тоҷикистон
ПЕШВОИ МИЛЛАТ ВА ТАҲКИМИ ПОЯҲОИ РУШДИ ИҚТИСОДИИ ТОҶИКИСТОН. Дар ҳошияи таҷлили Рӯзи Президент
Бахшида ба Рӯзи Президент дар Донишгоҳи байналмилалии сайёҳӣ ва соҳибкорӣ ҳамоиш доир шуд
Барномаи «Низоми арзёбии донистани забони тоҷикӣ барои шаҳрвандони хориҷӣ» муаррифӣ гардид
Ҳаками озмуни «Фурӯғи субҳи доноӣ китоб аст» Шодӣ Раҷабзод: «Сатҳи омодагӣ, донишу маърифат ва ҷаҳонбинии довталабон сол то сол беҳтар мегардад»
«ИЛМ — ФУРӮҒИ МАЪРИФАТ». 59 иштирокчии даври ниҳоии озмун қадрдонӣ карда шуданд
РӮЗИ ПРЕЗИДЕНТИ ТОҶИКИСТОН — РӮЗИ АРҶГУЗОРӢ БА МЕЪМОРИ СУЛҲУ ВАҲДАТИ ТОҶИКОН ДАР АРСАИ ҶАҲОНӢ. Андешаҳо дар ин маврид
ШИНОХТИ ШАХСИЯТҲОИ АДАБӢ ВА ТАЪРИХӢ ДАР ЗАМИНАИ ИСТИҚЛОЛ. Бо чунин унвон конференсияи ҷумҳуриявӣ доир гардид
Дар ноҳияи Бобоҷон Ғафуров сохтмони иншооти соҳаи маориф ва саноат идома дорад
«ФУРӮҒИ СУБҲИ ДОНОӢ КИТОБ АСТ». Бо иштироки 562 довталаб даври ниҳоии озмун ифтитоҳ ёфт
Ҷаласаи ситоди даври чоруми Озмуни ҷумҳуриявии «Фурӯғи субҳи доноӣ китоб аст» баргузор гардид
