Ҳамкории тиҷоратию иқтисодии вилояти Суғд бо корхонаҳои саноатии Русия тақвият меёбад
ДУШАНБЕ, 29.07.2024. /АМИТ «Ховар»/. Вилояти Суғд бо минтақаҳои гуногуни Федератсияи Русия ҳамкории тиҷоратию иқтисодӣ дошта, дар вилоят бо сармояи муштарак якчанд корхонаи саноатӣ фаъолият дорад. Дар ин хусус зимни вохӯрии Раиси вилояти Суғд бо намояндагони ширкати «БТК Групп»-и Федератсияи Русия гуфта шуд.
Тавре дар хадамоти матбуоти Раиси вилояти Суғд ба АМИТ «Ховар» хабар доданд, талабот ба маҳсулоти онҳо дар Русия зиёд мешавад, аз ин рӯ тасмим гирифта шуд, ки дар шаҳри Хуҷанд дар заминаи корхонаи «Зиннат» корхонаи дӯзандагӣ ташкил карда шавад.
Ба маблағи 265 миллион рубли русӣ таҷҳизоти зарурӣ ва мошинаҳои дарздӯзӣ ворид карда шуданд. Корхонаи нав метавонад дар марҳилаи аввал 350 дӯзандаро ба кор қабул намояд.
Бояд гуфт, ки ширкати «БТК Групп»-и Федератсияи Русия дар ноҳияи Спитамен ба кишту парвариши пахта, коркарди пахта, истеҳсоли маҳсулоти ниҳоӣ ва либосҳои махсус машғул буда, тибқи фармоиш маҳсулотро ба Русия содирот менамояд.
Таъкид гардид, ки тавассути сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Федератсияи Русия муҳтарам Владимир Путин ду давлат ҳамкории мутақобилан судманд доранд.
Зимин мулоқот баён гардид, ки ҳамкории ду давлат дар бахшҳои саноату кишоварзӣ бояд тақвият дода шавад.
АКС: Хадамоти матбуоти Раиси вилояти Суғд
РАВАНДИ ОБИ ДУШАНБЕ. Дар Душанбе таҳти унвони «Об — манбаи ҳаёти инсоният» Фестивали об ва барномаи фарҳангӣ доир шуд
Имконоти иқтисодии Тоҷикистон бо ҳайати намояндагони ширкатҳои байналмилалии молиявӣ баррасӣ шуд
РАВАНДИ ОБИ ДУШАНБЕ. Форуми ҳамоҳангсозии Осиёи Марказӣ оид ба мониторинг, арзёбӣ ва моделсозии пешгӯии пиряхҳо ва криосфера баргузор гардид
РАВАНДИ ОБИ ДУШАНБЕ. Устувории низомҳои озуқаворӣ дар давраи камбуди ҷаҳонии об дар Душанбе баррасӣ гардид
Форуми байналмилалии «Об ва зеҳни сунъӣ – робитаи дуҷониба» баргузор гардид
Равиши ҳамгироёнаи идоракунии захираҳои об дар меҳвари Форуми 7-уми байналмилалӣ дар Душанбе қарор гирифт
РАВАНДИ ОБИ ДУШАНБЕ. Машварати минтақавии Осиё ва Уқёнуси Ором оид ба Конфронси оби СММ баргузор гардид
Султон Раҳимзода: «Тоҷикистон имконияти бузурги таъмини кишварҳои Осиёи Марказӣ ва ҳатто Осиёи Ҷанубиро бо барқи «сабз» дорад»
РАВАНДИ ОБИ ДУШАНБЕ. Форуми «Об ва хатарҳои иқлимӣ: илм, мониторинг ва идоракунӣ» баргузор шуд
Дар ноҳияи Бобоҷон Ғафуров ҷамъоварии маҳсулоти барвақтӣ идома дорад
25 МАЙ — РӮЗИ КОРМАНДОНИ СОҲАИ СТАНДАРТИЗАТСИЯ ВА МЕТРОЛОГИЯ. 80 фоизи савдои ҷаҳонӣ аз стандартҳо вобаста аст
Форуми сафарбаркунии сармоягузориҳои хусусӣ ва маблағгузории инноватсионӣ барои инфрасохтори об дар кишварҳои рӯ ба тараққии маҳсур дар хушкӣ оғоз шуд
