Ҳамкории Тоҷикистон ва Барномаи рушди Созмони Милали Муттаҳид тақвият меёбад
ДУШАНБЕ, 16.07.2024 /АМИТ «Ховар»/. Масъалаи тақвият бахшидани ҳамкорӣ байни Ҷумҳурии Тоҷикистон ва Барномаи рушди Созмони Милали Муттаҳид (UNDP) 15 июл зимни мулоқоти муовини якуми Сарвазири мамлакат Ҳoким Холиқзода бо маъмури Барномаи рушди Созмони Милали Муттаҳид Ахим Штайнер баррасӣ шуд. Дар ин хусус ба АМИТ «Ховар» дар Намояндагии доимии Ҷумҳурии Тоҷикистон дар Созмони Милали Муттаҳид хабар доданд.
Зимни мулоқот доир ба мавзуъҳои муҳими ҳамкории Ҷумҳурии Тоҷикистон ва Барномаи рушди Созмони Милали Муттаҳид дар соҳаҳои гуногун, аз ҷумла обу энергетика, ҳифзи пиряхҳо, ҳадафу вазифаҳои «Стратегияи миллии рушди Тоҷикистон барои давраи то соли 2030» ва иҷрои афзалиятҳои калидии Ҳукумати Ҷумҳурии Тоҷикистон дар самти таъмини рушди устувори иқтисодӣ ва иҷтимоӣ мубодилаи афкор анҷом дода шуд.
Ҷонибҳо тақвияти ҳамкорӣ байни Ҷумҳурии Тоҷикистон ва Барномаи рушди Созмони Милали Муттаҳидро дар ҳама самтҳо, бахусус дар доираи Барномаи кишварӣ барои солҳои 2023-2027 дар бахшҳои рушди устувори иқтисодӣ, иқтисоди сабз, мавзуи обу иқлим, инчунин дар чорчӯби «Раванди оби Душанбе» зарур донистанд.
Ёдовар мешавем, ки мулоқот дар доираи Форуми сиёсии сатҳи баланд оид ба рушди устувор (HLPF-2024) дар қароргоҳи Созмони Милали Муттаҳид баргузор гардид.
АКС: Намояндагии доимии Ҷумҳурии Тоҷикистон дар Созмони Милали Муттаҳид
Дар шаҳри Абу Забӣ бахшида ба 35-солагии Истиқлоли давлатии Тоҷикистон чорабинии тантанавӣ баргузор гардид
Сироҷиддин Муҳриддин бо вазирони корҳои хориҷии Салтанати Умон, Габон, Кипр ва Сингапур мулоқот намуд
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
Дар Ню-Йорк омодагӣ ба Конфронси оби СММ – 2028 дар шаҳри Душанбе баррасӣ гардид
Идомаи сафари расмии Сарвазири Ҷумҳурии Тоҷикистон Қоҳир Расулзода дар Ҷумҳурии Озарбойҷон
Вазири корҳои хориҷии Тоҷикистон бо Дабири кулли Созмони ҳамкории рақамӣ вохӯрӣ намуд
Таҳти ҳамоҳангсозии Тоҷикистон ҷаласаи сафирони Гурӯҳи кишварҳои рӯ ба тараққии маҳсур дар хушкӣ доир гардид
Вазири корҳои хориҷии Тоҷикистон дар якчанд чорабинии сатҳи баланд дар Ню-Йорк иштирок намуд
Сироҷиддин Муҳриддин бо раиси иҷлосияи 81-уми Маҷмаи умумии СММ мулоқот намуд
Президенти Озарбойҷон Илҳом Алиев бо Сарвазири Тоҷикистон Қоҳир Расулзода мулоқот намуд
Ҳамкории Тоҷикистон бо Сандуқи кувайтӣ барои рушди иқтисодии арабӣ баррасӣ шуд
Вазирони корҳои хориҷии Тоҷикистону Эрон дар Ню-Йорк мулоқот намуданд
