Ба вилоятҳо ва шаҳру ноҳияҳои тобеи ҷумҳурӣ маводҳои ғизои мактабӣ дастрас мегардад
ДУШАНБЕ, 26.07.2024. /АМИТ «Ховар»/. Рӯзҳои наздик маводи хӯрока барои ғизои мактабӣ ба муассисаҳои таҳсилоти миёнаи умумии Вилояти Мухтори Кӯҳистони Бадахшон, вилоятҳои Суғду Хатлон ва шаҳру ноҳияҳои тобеи ҷумҳурӣ дастрас карда мешавад. Дар ин хусус муовини вазири маориф ва илми Ҷумҳурии Тоҷикистон Дилшод Сафарзода зимни қабули маводи ғизои мактабӣ дар доираи Барномаи ғизои мактабӣ иброз дошт.
Тавре дар Вазорати маориф ва илми мамлакат ба АМИТ «Ховар» хабар доданд, 23 июл дар деҳаи Навободи ноҳияи Рудакӣ дар доираи Барномаи ғизои мактабӣ маводи хӯрока барои ғизои мактабӣ супорида шуд.
Таъкид гардид, ки таъмини амнияти озуқаворӣ ва дастрасии аҳолӣ ба ғизои хушсифат, аз ҷумлаи ҳадафҳои афзалиятноки стратегии Ҳукумати Ҷумҳурии Тоҷикистон маҳсуб меёбад.
Ёдовар мешавем, ки Ҳукумати Ҷумҳурии Тоҷикистон Стратегияи рушди устувори ғизои мактабӣ дар Ҷумҳурии Тоҷикистонро барои давраи то соли 2027 тасдиқ ва амалӣ намуда истодааст, ки ба таъмини аҳолӣ, дастгирӣ ва таҳкими саломатӣ, беҳбуди шароити ва баланд бардоштани сифати таълими хонандагон тавассути рушди устувори ғизои мактабӣ дар Ҷумҳурии Тоҷикистон мусоидат менамояд.
Барномаи ғизои мактабӣ калонтарин лоиҳаи Барномаи озуқавории ҷаҳонӣ дар Тоҷикистон ба шумор меравад, ки аз соли 2013 аз ҷониби Федератсияи Русия маблағгузорӣ мешавад. Дар доираи он хонандагони синфҳои аз 1 то 4 аз 2000 мактаби 52 ноҳия ва шаҳри ҷумҳурӣ мунтазам бо хӯроки гарми солим таъмин карда мешаванд.
Консепсияи такмили хӯроки мактаббачагон дар муассисаҳои таҳсилоти умумии Ҷумҳурии Тоҷикистон мақсадҳои асосӣ, самтҳо, вазифаҳо ва механизмҳои татбиқи сиёсати давлатии Ҷумҳурии Тоҷикистонро дар соҳаи рушди хӯроки мактабӣ муайян менамояд. Татбиқи он барои арзёбии умумии вазъ ва таҳияи тадбирҳои минбаъда оид ба таъмини хонандагон бо ғизои солим, рушди неруи таълимӣ, таъмини амнияти озуқаворӣ, баланд бардоштани некӯаҳволии аҳолӣ ва таъмини рушди иҷтимоию иқтисодии мамлакат замина гардид.
Бояд гуфт, ки барномаи мазкур дар заминаи таҳлили умумии вазъи кунунии ғизои мактабӣ таҳия шуда, мақсадҳо, вазифаҳо, самтҳои асосии рушди минбаъдаи низоми ғизои мактабӣ, марҳилаҳои асосии амалигардонӣ, натиҷаҳо ва индикаторҳои банақшагирифташуда, инчунин тартиби ташкили мониторинг ва баҳодиҳии комёбиҳои натиҷаҳои ба нақша гирифташударо муайян месозад.
АКС: Вазорати маориф ва илми Ҷумҳурии Тоҷикистон
Байни Вазорати маориф ва илм ва Маркази байналмилалии иртиботи фарҳангии Малайзия Ёддошти тафоҳум ба имзо расид
Маркази барномаҳои байналмилалӣ қабули ҳуҷҷатҳои довталабонро ба донишгоҳҳои Узбекистон оғоз намуд
ИСТИҚЛОЛИЯТ ВА РУШДИ МАОРИФ. Дар вилояти Суғд 767 иншооти соҳаи маориф ба истифода дода шудааст
Дар муассисаҳои таҳсилоти миёнаи умумии Тоҷикистон зиёда аз 1 миллион китоби узбекӣ мавҷуд аст
СОЛИ ОБОДОНИЮ СОЗАНДАГӢ. Дар шаҳри Норак бинои нави муассисаи таълимӣ сохта мешавад
ИСТИҚЛОЛИЯТ ВА РУШДИ МАОРИФ. Дар вилояти Хатлон соҳаи маориф қариб ду баробар рушд намудааст
НИШАСТИ МАТБУОТӢ. Дар Филиали Донишкадаи энергетикии Москва дар шаҳри Душанбе лабораторияи нави «Электроникаи саноатӣ» кушода мешавад
Раиси шаҳри Шероз бо имконоти муосири таълимию илмии Донишгоҳи байналмилалии сайёҳӣ ва соҳибкории Тоҷикистон шинос шуд
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
НИШАСТИ МАТБУОТӢ. Филиали Донишгоҳи давлатии Москва дар шаҳри Душанбе бо зиёда аз 40 муассисаи хориҷӣ ҳамкорӣ дорад
35-СОЛАГИИ ИСТИҚЛОЛИ ДАВЛАТӢ. Дар ноҳияи Рӯдакӣ раёсати маориф ва 3 муассисаи таҳсилоти томактабӣ ба истифода дода мешавад
