Чаро корхонаҳои хишти пухта, истеҳсоли маҳсулоти ширӣ ва парандапарварии ноҳияи Нуробод аз фаъолият боз мондаанд?
НУРОБОД, 29.07.2024 /АМИТ «Ховар»/. Аз фаъолият боз мондани корхонаи хишти пухта, корхонаи истеҳсоли маҳсулоти ширӣ ва корхонаи парандапарварӣ дар ноҳияи Нуробод мушкилоти аввалиндараҷа ба ҳисоб меравад. Бо қатъи фаъолияти ин корхонаҳо садҳо нафар аз ҷойи кори доимӣ маҳрум гардиданд, инчунин сокинони минтақаи Рашт тухм, маҳсулоти ширӣ ва хишти пухтаро аз дигар шаҳру ноҳияҳои мамлакат ворид менамоянд.
Раиси ноҳияи Нуробод Додарҷон Ҷобирзода зимни нишасти матбуотӣ ба саволи хабарнигори минтақавии АМИТ «Ховар» Субҳониддини Маҳмуд вобаста ба ин масъала иброз дошт, ки «бо иштироки Пешвои миллат муҳтарам Эмомалӣ Раҳмон соли 2021 корхонаи парандапарварии «Сари қош» ба истифода дода шуд. Мутаассифона, як сол мешавад, ки корхона кор намекунад. Албатта, ҳар соҳибкор агар аз фаъолияти корхонааш фоида набинад, кор намекунад. Имрӯз аз сабаби набудани пойгоҳи хӯрокворӣ барои паранда корхона аз фаъолият мондааст. Соҳибкор мехоҳад, ки корхонаро ба ягон соҳибкори ботаҷриба супорад, то он дубора фаъол гардад.
Соҳибкоре, ки корхонаи истеҳсоли хишти пухта таъсис додааст, ба мо гуфт, ки коргар намеёбад, ки кор кунад. Муассисони корхонаи истеҳсоли маҳсулоти ширии Нуробод ҳам мегӯянд, ки бинобар надоштани даромад корхонаро бастаанд».
Ба иттилои Раиси ноҳияи Нуробод, аз ҷониби мақомоти иҷроияи ҳокимияти давлатии ноҳия нисбат ба соҳибкорон ва фаъолияти онҳо монеа мавҷуд набуда, онҳо дар доираи имконият дасгирӣ меёбанд. Ҳоло барои дубора ба фаъолият шуруъ кардани корхонаҳо бо соҳибкорон корбарӣ идома дорад.
Субҳониддини МАҲМУД,
АМИТ «Ховар»
АКС: АМИТ «Ховар»
Байни Тоҷикистон ва Чин Ёддошти тафоҳуми ҳамкорӣ дар соҳаи стандартизатсия ба имзо расид
Тоҷикистон ва Арманистон ҳамкориро дар самти ҳифз ва барқарорсозии экосистемаҳо ва мониторинги гуногунии биологӣ тақвият медиҳанд
Байни Тоҷикистон ва Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид
Байни мақомоти зиддикоррупсионии Тоҷикистон ва Чин Ёддошти тафоҳум оид ба пешгирӣ ва мубориза бо коррупсия ба имзо расид
Дар Агентии авиатсияи гражданӣ дар мавзуи «Амнияти иттилоотӣ дар шароити таҳдидҳои киберии муосир» ҳамоиш доир шуд
Дар Тоҷикистон беш аз 4 ҳазор коргоҳу корхонаи истеҳсолӣ фаъолият менамояд
Сохтмони роҳи таворавии шаҳри Кӯлоб қадами муҳим дар рушди инфрасохтори нақлиётии Тоҷикистон аст
Дар вилояти Суғд ҳаҷми истеҳсоли маҳсулоти кишоварзӣ ба беш аз 21 миллиард сомонӣ расид
«Барномаи рушди иҷтимоию иқтисодии вилояти Хатлон барои солҳои 2026–2030» 31,2 фоиз иҷро гардид
Дар Тоҷикистон 7136 ҳолати вайронкунии қонунгузории замин бартараф карда шуд
Ҳамкории БАТР бо Тоҷикистон дар соҳаи энергетика тақвият меёбад
Дар Нозироти андози шаҳри Ваҳдат 804 субъекти хоҷагидори амалкунанда сабти ном шудааст
