Дар Душанбе ҷаласаи Кумитаи роҳбарикунандаи лоиҳаи GIZ оид ба содагардонии расмиёти савдо дар Осиёи Марказӣ баргузор гардид
ДУШАНБЕ, 17.07.2024. /АМИТ «Ховар»/. 16 июл ҷаласаи навбатии Кумитаи роҳбарикунандаи лоиҳаи GIZ оид ба «Содагардонии расмиёти савдо дар Осиёи Марказӣ» бо роҳбарии муовини Вазири рушди иқтисод ва савдои Ҷумҳурии Тоҷикистон Аҳлиддин Нуриддинзода ва бо иштироки роҳбари лоиҳаҳои минтақавии GIZ Юдит Бланк, инчунин намояндагони вазорату идораҳои дахлдори мамлакат баргузор шуд. Дар ин хусус ба АМИТ «Ховар» дар Вазорати рушди иқтисод ва савдо хабар доданд.
Дар ҷаласа иброз гардид, ки Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатӣ ба Маҷлиси Олӣ таъкид намуданд, ки сиёсати давлат дар соҳаҳои савдо, аз ҷумла баланд бардоштани иқтидори истеҳсолӣ бо мақсади зиёд намудани ҳаҷми содироти маҳсулот бояд ба се самти асосӣ – ҳавасмандгардонии содирот, таъмин намудани гуногуншаклии истеҳсолоти ба содирот нигаронидашуда ва содагардонии расмиёти савдо равона гардад.
Бинобар ин яке аз омилҳое, ки бевосита барои татбиқи ин ҳадафҳо мусоидат менамояд, тақвияти ҳамкорӣ бо ташкилотҳои байналмилалӣ, табодули таҷрибаи пешқадам дар ин самт ва ҷоннок намудани робитаҳо дар чаҳорчӯбаи лоиҳаҳои минтақавӣ мебошад.
Иттилоъ дода шуд, ки 5 июни соли 2024 Созишнома доир ба содагардонии савдо байни Вазорати рушди иқтисод ва савдои Ҷумҳурии Тоҷикистон ва Ҷамъияти ҳамкории байналмилалии Олмон (GIZ) имзо гардид. Созишнома аҳамияти минтақавӣ дошта, маблағи умумии он 6.5 миллион евроро ташкил дода, 5 мамлакати Осиёи Марказиро дар бар мегирад.
Аҳлиддин Нуриддинзода аз ҳамкории мутақобилан судманд бо GIZ изҳори миннатдорӣ намуда, иброз дошт, ки дар воқеъ баргузории ин ҷаласа ва дигар чорабиниҳои минтақавӣ дар доираи лоиҳаи GIZ оид ба «Содагардонии расмиёти савдо дар Осиёи Марказӣ» бевосита ба пешбурди фаъолият дар самти содагардонии расмиёти савдо тавассути кам кардани вақт ва хароҷоти субъектҳои фаъолияти иқтисоди хориҷӣ ва дар натиҷа ба таҳкими ҳамкории тиҷоратию иқтисодӣ дар минтақа мусоидат менамояд.
Дар ҷаласаи мазкур масъалаҳо вобаста ба ҳамкорӣ дар доираи лоиҳаи GIZ оид ба «Содагардонии расмиёти савдо дар Осиёи Марказӣ» дар соли 2023, аз ҷумла тадқиқоти вақти барасмиятдарории гумрукӣ ҳангоми содироту воридоти маҳсулот, таҳлили бизнес — равандҳо ва нақшаи чорабиниҳо то охири соли 2024 мавриди баррасии иштирокчиён қарор гирифтанд.
Инчунин дар кори ҷаласа муколамаи озод байни намояндагони мақомоти давлатӣ доир гардид, ки масъалаҳои баррасишаванда бевосита ба татбиқи ҳуҷҷатҳои стратегӣ ва рушди босуботи иқтисодии мамлакат мусоидат менамояд.
АКС: Вазорати рушди иқтисод ва савдои Ҷумҳурии Тоҷикистон
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
Кормандони соҳаи геология ва кӯҳкорӣ 35-солагии Истиқлоли давлатиро ботантана таҷлил намуданд
