Дар Душанбе парки техникии Тоҷикистону Туркия таъсис дода мешавад
ДУШАНБЕ, 09.07.2024 /АМИТ «Ховар»/. Дар Душанбе Парки техникии Тоҷикистону Туркия таъсис дода мешавад. Дар ин хусус 8 июл зимни вохӯрии Раиси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон Фарҳод Раҳимӣ бо Сафири Ҷумҳурии Туркия дар Тоҷикистон Умут Аҷар баён гардид.
Тавре ба АМИТ «Ховар» дар ин кумита хабар доданд, дар мулоқот масъалаҳои навсозӣ, таъмиру тармим, таҳкими пояи моддиву техникии муассисаҳои таҳсилоти ибтидоӣ ва миёнаи касбӣ, аз ҷумла бо лавозимоти озмоишгоҳӣ, асбобу анҷом, техникаву технологияи зарурӣ, асбоби аёнӣ, китобҳои дарсиву модулҳои таълимӣ, дастурамалҳои корӣ ва тавсиявӣ баррасӣ гардид.
Зимни мулоқот Фарҳод Раҳимӣ ба Сафир Умут Аҷар ва ҳамоҳангсози Агентии ҳамкорӣ ва ҳамоҳангсози байналмилалии Туркия (ТИКА) дар Тоҷикистон Иброҳим Унал барои дастгириҳои пайваста миннатдорӣ намуда, пешниҳод кард, дар доираи имкониятҳои ташкилот дар яке аз муассисаҳои таҳсилоти миёнаи касбӣ барои таъсис додани Парки техникии Тоҷикистону Туркия ҷиҳати бештар ҷалб намудани донишҷӯён ба корҳои амалӣ мусоидат намоянд.
Умут Аҷар ва Иброҳим Унал ҷиҳати таъсис додани Парки техникии Тоҷикистону Туркия иброз намуданд, ки дар ояндаи наздик лоиҳаи он омода гардида, дар мувофиқа бо ҷонибҳо ба нақша гирифта мешавад.
АКС: Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон
ИСТИҚЛОЛИ ДАВЛАТӢ ВА РУШДИ ИЛМУ МАОРИФ ДАР ТОҶИКИСТОН. Таҳти чунин унвон конференсияи илмӣ-назариявӣ доир шуд
Дурнамои ҳамкории Донишгоҳи байналмилалии сайёҳӣ ва соҳибкории Тоҷикистон бо Бонки Осиёии Рушд баррасӣ гардид
САНАИ САРНАВИШТСОЗИ МИЛЛАТ. Эҳдо ба 35–солагии Истиқлоли давлатии Тоҷикистон
Хонандагони Тоҷикистон дар Олимпиадаи байналмилалии муҳандисӣ-кайҳонӣ сазовори ҷойи дуюм шуданд
ИСТИҚЛОЛИЯТ ВА РУШДИ МАОРИФ. Барои рушди ин соҳа дар Бадахшон зиёда аз 422 миллион сомонӣ пешбинӣ шудааст
ИСТИҚЛОЛИЯТ ВА РУШДИ МАОРИФ. Ҳаҷми маблағгузории соҳаи маориф давоми 25 соли охир 224 баробар зиёд гардид
Дар Сеул оид ба сиёсати рушди сармояи инсонӣ дар соҳаи зеҳни сунъӣ форуми байналмилалӣ доир гардид
Байни Вазорати маориф ва илм ва Маркази байналмилалии иртиботи фарҳангии Малайзия Ёддошти тафоҳум ба имзо расид
Маркази барномаҳои байналмилалӣ қабули ҳуҷҷатҳои довталабонро ба донишгоҳҳои Узбекистон оғоз намуд
ИСТИҚЛОЛИЯТ ВА РУШДИ МАОРИФ. Дар вилояти Суғд 767 иншооти соҳаи маориф ба истифода дода шудааст
Дар муассисаҳои таҳсилоти миёнаи умумии Тоҷикистон зиёда аз 1 миллион китоби узбекӣ мавҷуд аст
СОЛИ ОБОДОНИЮ СОЗАНДАГӢ. Дар шаҳри Норак бинои нави муассисаи таълимӣ сохта мешавад
