Дар Душанбе тақвияти ҳамкорӣ дар соҳаи рақамисозӣ ва рушди логистика байни Тоҷикистон ва Амрико баррасӣ гардид
ДУШАНБЕ, 22.07.2024 /АМИТ «Ховар»/. «Вазорат ба Агентии Иёлоти Муттаҳидаи Амрико оид ба рушди байналмилалӣ (ЮСАИД) барои дастгирии талошҳои мо оид ба рақамикунонии соҳаи роҳу нақлиёти Тоҷикистон арҷ мегузорад»,- чунин гуфт Вазири нақлиёти Ҷумҳурии Тоҷикистон Азим Иброҳим дар мулоқот бо Сафири Фавқулода ва Мухтори Иёлоти Муттаҳидаи Амрико дар Ҷумҳурии Тоҷикистон Мануэл Микаллер. Дар ин хусус АМИТ «Ховар» бо истинод ба Вазорати нақлиёти ҷумҳурӣ хабар медиҳад.
Таъкид гардид, ки Президенти Тоҷикистон муҳтарам Эмомалӣ Раҳмон ба ҷорӣ намудани технологияҳои нав, хусусан дар тамоми соҳаҳои ҳаёти мамлакат таваҷҷуҳи хоса зоҳир менамоянд. Ин аст, ки дар Тоҷикистон Стратегияи давлатии «Технологияҳои иттилоотию коммуникатсионӣ барои рушди Ҷумҳурии Тоҷикистон» тасдиқ гардидааст.
Гуфта шуд, ки технологияҳои иттилоотию коммуникатсионӣ дар айни замон воситаҳои асосии навсозӣ дар соҳаи нақлиёт мебошанд.
Вазири нақлиёти Тоҷикистон афзуд, ки Низоми электронӣ таҳия шудааст, ки шаффофият ва самаранокии раванди додани ҳуҷҷатҳои заруриро барои ҳамлу нақли автомобилӣ баланд мебардорад. Низоми мазкур равандҳои тиҷоратро автоматӣ намуда, суръати қабули қарорҳоро беҳтар месозад ва инчунин дастрасӣ ба иттилоотро барои интиқолдиҳандагон осон мегардонад.
Вазири нақлиёти Тоҷикистон ва Сафири Иёлоти Муттаҳидаи Амрико дар Ҷумҳурии Тоҷикистон барои тақвияти ҳамкории дуҷониба дар соҳаи рақамисозӣ ва рушди логистика ҷиҳати густариши муносибатҳои иқтисодӣ ва тиҷоратии байни Тоҷикистон ва Амрико изҳори омодагӣ намуданд.
АКС: Вазорати нақлиёти Ҷумҳурии Тоҷикистон
Дар мавзуи «Иттиҳоди Давлатҳои Мустақил: самтҳо ва дурнамои рушд» конференсияи байналмилалии илмӣ-амалӣ баргузор шуд
Тоҷикистон ва Узбекистон дар соҳаи идоракунии захираҳои об таҷрибаи якдигарро меомӯзанд
Дар Душанбе ҷаласаи 20-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ баргузор шуд
Дар Форуми ҷаҳонии сармоягузорӣ самтҳои афзалиятноки рушди иқтисоди Тоҷикистон муаррифӣ гардиданд
Намояндагони Хадамоти гумруки Тоҷикистон таҷрибаи Нидерландияро дар истифодаи зеҳни сунъӣ омӯхтанд
Байни Хадамоти алоқа ва «Хуавей технологии Тоҷикистон» Ёддошти тафоҳум оид ба рушди технологияҳои 5G-A ва 6G ба имзо расид
Дар ноҳияҳои Тоҷикобод ва Лахш оид ба пешгирии амалҳои коррупсионӣ вохӯриҳо баргузор шуданд
Тоҷикистон ва Қатар ҳамкориро дар самти фаъолияти хайриявӣ ва башардӯстона тақвият медиҳанд
Форум оид ба алоқаи мобилии насли панҷум– 5G баргузор шуд
СТРАТЕГИЯИ РУШДИ ИҚТИСОДИ «САБЗ». Дар доираи амали он беш аз 500 ҳазор ҳисобкунаки электронии барқ насб гардидааст
Ҷаласаи навбатии Шурои ҷамъиятиву машваратӣ доир ба фаъолияти гумрукӣ баргузор шуд
Кишоварзони Ваҳдат имсол ҳаҷми умумии маҳсулотро ба беш аз 1 миллиарду 689 миллион сомонӣ расониданд
