Дар Хоруғ Мусобиқаи ҷумҳуриявӣ аз намуди тӯби дастӣ байни наврасон баргузор гардид
ХОРУҒ, 06.07.2024 /АМИТ «Ховар»/. Дар шаҳри Хоруғ Мусобиқаи ҷумҳуриявӣ аз намуди тӯби дастӣ (ҳендбол) байни наврасон баргузор гардид, ки дар он дастаҳои «Душанбе-1», «ВМКБ-1», «ВМКБ-2», «Хатлон-1», «Хатлон-2» ва «ШНТҶ» иштирок намуданд.
Тавре хабарнигори минтақавии АМИТ «Ховар» иттилоъ медиҳад, мусобиқа се рӯз идома ёфта, бо пирӯзии дастаи «Душанбе-1» ба поён расид.
Мақоми дуюмро дастаи Вилояти Мухтори Кӯҳистони Бадахшон ва зинаи сеюмро дастаи Хатлон соҳиб шуданд.
Сардори Раёсати кор бо ҷавонон ва варзиши Вилояти Мухтори Кӯҳистони Бадахшон Солеҳҷон Амирҷонзода аз рафати бозӣ ва натиҷаи он изҳори қаноатмандӣ намуда, гуфт, ки «ҳамаи дастаҳо ба мусобиқаи имсола бо омодагии комил ҳозир шуданд. Ҷараёни бозиҳо нишон дод, ки суръати ҳаракат, ҳамалаҳои ногаҳонӣ, чолокона идора кардани тӯб, вокуниши саривақт дар баробари бозингарони дастаи муқобил ба дастаи «Душанбе1» имконият дод, ки аз рӯзи аввал рақибони худро пай дар пай пушти сар гузошта, дар бозии ниҳоӣ низ дастаи «ВМКБ -1»- ро шикаст дода, дар сархати ҷадвали ин мусобиқа қарор бигирад. Гарчӣ ду сол пеш дар чунин мусобиқа, ки дар шаҳри Душанбе баргузор гашт, дастаи ВМКБ ҷои аввал гирифта буд, аммо имсол ноком шуд. Ин даста бояд аз рӯи иштибоҳоте, ки дар чемпионати имсола роҳ дод, натиҷагирӣ кунад ва ба мусобиқаи оянда бо омодагии комилтар ҳозир шавад».
« 13 июли соли равон Варзишгоҳи марказии шаҳри Хоруғ баъди навсозӣ, дуввумбора дарвозаҳои худро барои дӯстдорони бозии футбол боз мекунад. Дар ин рӯз бозии дӯстона байни дастаҳои Душанбе ва Вилояти Мухтори Кӯҳистони Бадахшон баргузор мегардад»,-иттилоъ дод Солеҳҷон Амирҷонзода .
АКС: АМИТ «Ховар»
Имрӯз дар шаҳру ноҳияҳои Тоҷикистон борони кӯтоҳмуддат меборад
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
