Дар Хуҷанд лоиҳаҳои иншооти дар соҳили Сирдарё бунёдшаванда муаррифӣ гардиданд
ДУШАНБЕ, 18.07.2024 /АМИТ «Ховар»/. 17 июл дар шаҳри Хуҷанд маросими муаррифии лоиҳаҳои иншооти дар соҳили Сирдарё бунёдшаванда доир гардид, иттилоъ медиҳад АМИТ «Ховар» бо истинод ба Хадамоти матбуоти Раиси вилояти Суғд.
Зимни муаррифии лоиҳаҳо таъкид шуд, ки бо дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон як гурӯҳ мутахассисону муҳандисон ба Аморати Муттаҳидаи Араб ва Давлати Қатар сафар карда, таҷрибаи бунёди иншооти замонавӣ дар соҳилро омӯхтанд.
Тибқи супоришҳои Пешвои миллат дар соҳили Сирдарё бунёди инфрасохори зарурӣ барои рушди сайёҳӣ, аз ҷумла меҳмонхонаву тарабхонаҳои брендӣ ба нақша гирифта шуда, барои истироҳату фароғати сокинон дар соҳил роҳҳои пиёдагард сохта хоҳад шуд.
Дар шафати соҳил бунёди биноҳои баландошёнаи гуногун дар назар дошта шудааст, ки метавонад шаҳри Хуҷандро ҳамчун маркази сайёҳиву истироҳатӣ дар минтақа муаррифӣ намояд.
Барои иҷрои корҳо аз ҷониби ширкатҳои ватании «Шаҳрофар», «Саноатсоз», «Сохтмон ва меъморӣ», «Лоиҳакаш», «САНИИОСП» ва дигарон як қатор лоиҳаҳо омода шудааст. Дар вақти азназаргузаронии лоиҳаҳо барои такмили онҳо, ба назар гирифтани санъати меъмории миллӣ дар вақти сохтмон, назорати доимии раванди корҳо ва сифати сохтмон ба ширкатҳои лоиҳакашиву сохтмонӣ дастуру тавсияҳо дода шуд.
Аз ҷониби ширкати «Тиниал» лоиҳаи роҳи нимҳалқа, инчунин тарҳи роҳи оҳани Спитамен-Истаравшан, Спитамен-Истиқлол муаррифӣ гардид.
АКС: Хадамоти матбуоти раиси вилояти Суғд
Дар Панҷакент Боғи Абулқосим Фирдавсӣ сохта мешавад
Дар маҳаллаи Шарифободи шаҳри Хоруғ ҳавзҳои обсофкунӣ сохта шуданд
Корҳои лоиҳакашии бунёди пули бузурги 920-метрӣ аз болои обанбори «Роғун» ба анҷом расида, он дар муддати ду – дуюним сол сохта мешавад
Дар Ҷамоати шаҳраки Меҳрободи ноҳияи Ҷаббор Расулов бинои истиқоматии бисёрошёна сохта мешавад
Дар деҳаи Себзори ноҳияи Шаҳристон Маркази саломатӣ ба истифода дода шуд
«БА ВАТАН ШАРАФМАРДОНА ХИЗМАТ МЕКУНЕМ!». Дар Душанбе ҳамоиши хизматчиёни ҳарбӣ бо ҷалби ҷавонони синни даъватӣ баргузор гардид
Дар ноҳияи Рашт бахшида ба 35-солагии Истиқлолияти давлатӣ бунёду таҷдиди 307 иншоот ба нақша гирифта шудааст
Сафари кории Пешвои миллат Эмомалӣ Раҳмон ба ноҳияҳои водии Рашт ба анҷом расид
Дар ноҳияи Айнӣ Маркази савдои «Муҳаббат» ба фаъолият шуруъ намуд
Суханронии Президенти Ҷумҳурии Тоҷикистон, Пешвои миллат Эмомалӣ Раҳмон дар тантанаи идона ба ифтихори 33-солагии Истиқлоли давлатӣ дар ноҳияи Рашт
Сарвари давлат Эмомалӣ Раҳмон дар ноҳияи Рашт дар барномаи театришуда бахшида ба таҷлили 33-солагии Истиқлоли давлатии Ҷумҳурии Тоҷикистон иштирок намуданд
Президенти мамлакат Эмомалӣ Раҳмон дар ноҳияи Рашт бинои Ҷамоати деҳоти Боқӣ Раҳимзодаро ба истифода доданд
