Дар кӯчаҳои Хоруғ 150 қуттии муосир барои партовҷамъкунӣ гузошта шуд
ДУШАНБЕ, 19.07.2024 /АМИТ «Ховар»/. Дар маркази маъмурии Вилояти Мухтори Кӯҳистони Бадахшон- шаҳри Хоруғ, дар баробари дигар корҳои созандагию ободонӣ, ҳамзамон дар самти ба танзим даровардани партовҳои сахти маишӣ тадбирҳои зарурӣ андешида мешавад. Ҳамин аст, ки дар давраи 2 соли охир дар кӯчаҳои асосӣ ва паскӯчаҳои шаҳр 150 қуттии муосир барои партовҷамъкунӣ гузошта шуданд. Дар ин хусус ба АМИТ «Ховар» дар мақомоти иҷоияи ҳокимияти шаҳр хабар доданд.
Ба иттилои манбаъ, дар заминаи лоиҳаи «Таҳкими устувор тавассути рушди ҳамгироии шаҳрӣ» давоми 2 соли охир дар 13 маҳаллаи шаҳри Хоруғ 15 партовгоҳи муосир бо 60 қуттии калон сохта ба истифода дода шуд.
Ҳамзамон барои сари вақти ҷамъоварӣ намудани партовҳо як нақлиёти боркашонии «Дулан» харидорӣ карда шуд. Давоми нимсолаи дуюми соли равон сохтмони боз 5 партовгоҳи муосир дар назар буда, як нақлиёти дигари партовҷамъкунӣ низ харидорӣ гардида, ба Хоҷагии манзилию коммуналии шаҳри Хоруғ супорида мешавад.
АКС: Мақомоти иҷоияи ҳокимияти давлатии шаҳри Хоруғ
Имрӯз дар ноҳияҳои алоҳидаи Тоҷикистон чангу ғубор ба амал меояд
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак баргузор мегардад
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
DEEPFAKE ҲАМЧУН ТАҲДИДИ НАВИ АМНИЯТИ ИТТИЛООТӢ. Назари мутахассис дар ин мавзуъ
«МЕГАФОН ТОҶИКИСТОН»: Ду роҳи ҳал барои истифодабарандагони интернет
АМНИЯТИ ЗЕҲНИ СУНЪӢ ВА ДУРНАМОИ РУШДИ ОН ДАР ТОҶИКИСТОН. Мутахассис ин мавзуъро шарҳ медиҳад
