Дар Кӯлоб 2684 протоколи ҳуқуқвайронкунии маъмурӣ нисбат ба ронандагон тартиб дода шуд
КӮЛОБ: 26.07.2024 /АМИТ «Ховар»/. Дар шаҳри Кӯлоб дар шаш моҳи соли 2024 ба 1635 воситаи нақлиёти мусофирбар ва боркашонӣ варақаҳои назоратӣ дода шуд, ки нисбат ба ҳамин давраи соли гузашта 255 адад зиёд мебошад. Дар ин хусус 25 июл зимни нишасти матбуотии Раёсати минтақавии Хадамоти давлатии назорат ва танзим дар соҳаи нақлиёт дар минтақаи Кӯлоб иттилоъ дода шуд.
Дар минтақаи Кӯлоб айни ҳол 3 ҷамъияти нақлиёти боркашӣ, 7 ҷамъияти нақлиёти мусофиркашӣ, 6 терминали мусофиркашӣ ва 120 нуқтаи хизматрасонии техникӣ фаъолият менамоянд.
Муовини Раёсати минтақавии Хадамоти давлатии назорат дар соҳаи нақлиёт дар минтақаи Кӯлоб Музафар Султонов гуфт, ки кормандони раёсат дар ин давра 225 маротиба рейд гузаронида, 2517 воситаи нақлиётро аз санҷиш гузарониданд. Дар натиҷа 2684 протоколи ҳуқуқвайронкунии маъмурӣ тартиб дода шуд, ки аз ин 2671 адад нисбат ба ронандагони шахсони воқеии воситаи нақлиёт ва 13 нафар шахсони мансабдор мебошанд. Ба ин нигоҳ накарда, айни ҳол ба чашм мерасад, ки нақлиётҳои боркаш аз меъёр зиёд бор кашонида, боиси вайрон кардани роҳу пулҳо мегарданд.
Гуфта шуд, ки кормандони раёсат ҳамарӯза дар назди корхонаҳои коркарди қуму шағал ва намак ба воситаи тарозуҳои сайёр корҳои нозиротиро пеш бурда истодаанд. Ҳамин талабот буд, ки бинобар сабаби риоя накардани қоидаҳои кашонидани борҳои вазнин аз тарафи интиқолдиҳанда нисбат ба сардори Идораи давлатии беҳдошти замин ва обёрии ноҳияи Фархор бо модаи 311, қисми 2 протоколи ҳуқуқвайронкунии маъмурӣ тартиб дода шуд.
Иброз гардид, ки кормандони раёсат дар оянда низ барои амалӣ гардонидани талаботи санадҳои меъёрию ҳуқуқи соҳа дар самти ба танзим даровардани соҳаи нақлиёт чораҳои зарурӣ меандешанд.
Сулаймон ХОЛЗОДА,
АМИТ «Ховар»
АКС: АМИТ «Ховар»
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
Имрӯз дар шаҳри Душанбе ҳаво то 28 дараҷа гарм мешавад
Дар Душанбе маркази муосири телефонҳои мобилӣ ва фурӯши чиптаҳои ҳавопаймоии «Real Phone» ифтитоҳ гардид
Имрӯз дар баъзе минтақаҳои Тоҷикистон бориши борон пешгӯӣ мешавад
Мусобиқаи кӯдаконаи «МегаФон Life дар сабки футбол»: мавсими 2026 дар марҳилаи оғозёбӣ қарор дорад!
ХУДШИНОСӢ ВА ХУДОГОҲИИ МИЛЛӢ — ОМИЛИ КАЛИДИИ ҲИФЗИ ИСТИҚЛОЛ ВА ВАҲДАТИ МИЛЛӢ. Андешаҳо дар мавриди пойдории ҳуқуқии давлат дар таълимоти Президенти Тоҷикистон
Имрӯз дар Тоҷикистон ҳавои тағйирёбанда пешгӯӣ мешавад
