Дар шаҳри Хоруғ ситоди махсуси Форуми соҳибкорию сармоягузории «Помиринвест-2024» таъсис ёфт
ХОРУҒ, 23.07.2024 /АМИТ «Ховар»/. 25-26 июл дар шаҳри Хоруғ Форуми байналмилалии соҳибкорию сармоягузории «Помиринвест–2024» баргузор мешавад. Дар робита ба ин, дар назди Мақомоти иҷроияи ҳокимияти давлатии Вилояти Мухтори Кӯҳистони Бадахшон ситод оид ба омодагӣ ба баргузории Форуми байналмиллалии соҳибкориву сармоягузории «Помир Инвест -2024» ба фаъолияти худ оғоз кард, иттилоъ медиҳад хабарнигори АМИТ «Ховар».
Форум барои пешрафти соҳаи иқтисодии вилоят хеле муҳим буда, яке аз ҳадафҳои он ҷалби сармояи дохилию хориҷӣ ва рушду равнақи соҳибкорӣ дар ин манотиқи кӯҳистони ҷумҳурӣ мебошад. Ҳадафи дигари ин ҳамоиши сатҳи байналмиллӣ муҳайё сохтани шароити созгор барои тавсеаи ҳамкории муштарак дар самтҳои гуногуни соҳаҳои хоҷагии халқ мебошад.
Аъзои ситод муввазаф гардиданд, ки барои қабули меҳмонон ва иштирокчиён шароити мусоиди корӣ муҳайё намоянд. Дар Форуми байналмилалии соҳибкорию сармоягузории «Помиринвест–2024» намояндагони масъули вазорату кумитаҳо, сармоягузорони ватанӣ ва хориҷӣ, аз ҷумла ширкатҳои бонуфузи соҳибкорию сармоягузории шаҳри Душанбе, вилоятҳои Суғду Хатлон, Федератсияи Русия, Ҷумҳурии Мардумии Чин, Қирғизистон ва Узбекистон иштирок мекунанд.
Дар форумҳои қаблии саҳибкориву сармоягузории «Помиринвест» чандин қарордодҳои ҳамкорӣ ба имзо расиданд ва дар пайи ин қарордодҳо корхонаҳои оҳану бетонии мавсум ба Ҷамъияти дорои масъулияти маҳдуди «Хуҷаназар», коркарди истеҳсоли қуму шағали Ҷамъияти дорои масъулияти маҳдуди «Панҷ», Ҷамъияти дорои масъулияти маҳдуди «Фарид-Хоруғ» ва «Помир-энергосервис» ба фаъолият шурӯъ карданд, ки имрӯз дар таъмини биноҳои гуногуни маъмурӣ, саноатию истиқоматӣ бо масолеҳи маҳаллии сохтмонӣ дар шаҳру ноҳияҳои вилоят нақши муассир мегузоранд.
АКС: АМИТ «Ховар»
Дар Рӯзи кормандони соҳаи энергетика фаъолони соҳа қадрдонӣ шуданд
ИМРӮЗ-РӮЗИ ЭНЕРГЕТИКҲО. Неругоҳи барқи обии «Роғун» беназиртарин тарҳи гидроэнергетикӣ дар минтақа аст
Дар Агентии содироти Тоҷикистон бахшида ба Соли маърифати ҳуқуқӣ ҳамоиш баргузор шуд
Барои татбиқи лоиҳаи «Барномаи рушди НБО-и «Роғун», марҳилаи 1» 270 миллион доллар ҷудо гардид
Коршиносони ширкати Чин бо шароити хизматрасонии ҳаракати ҳавоӣ дар «Тоҷикаэронавигатсия» шинос шуданд
Озмуни байналмилалии «Кашфи олами моликияти зеҳнӣ» ҷамъбаст шуд
Вобаста ба нақши дипломатияи фарҳангӣ дар рушди иқтисоди Тоҷикистон ва Эрон ҳамоиш доир шуд
Мулоқоти Қоҳир Расулзода бо Директори генералии Фонди кувайтии рушди иқтисодиёти араб Валид Ал-Баҳар
Бахшида ба Рӯзи кормандони соҳаи энергетика дар неругоҳи «Сангтӯда -1» ҳамоиши тантанавӣ доир шуд
Барои татбиқи лоиҳаи «Маблағгузории устувор барои НБО-и «Роғун» созишномаи молиявӣ ба имзо расид
Дар Маркази миллии патенту иттилоот ҷаласаи муштарак доир гардид
Дар Душанбе масъалаи идоракунии захираҳои табиӣ ва тағйирёбии иқлим баррасӣ гардид
