Донишгоҳи миллии Тоҷикистон: «Омӯзгороне, ки рисолаҳои номзадӣ ва докторӣ ҳимоя мекунанд, то 30 ҳазор сомонӣ ҳавасманд мешаванд»
ДУШАНБЕ, 23.07.2024. /АМИТ «Ховар»/. Донишгоҳи миллии Тоҷикистон омӯзгоронеро, ки рисолаҳои номзадиву доктори фалсафа (доктор аз рӯйи ихтисос Ph.D) ва докторӣ, доктор ҳабилитат ҳимоя менамоянд, аз 20 то 30 ҳазор сомонӣ ҳавасманд менамояд. Ин иқдом бо мақсади зиёд намудани теъдоди олимону муҳаққиқон ва зиёд намудани шумораи омӯзгорони дорои дараҷа ва унвони илмидошта мебошад.Ин матлабро имрӯз зимни нишасти матбуотӣ ректори донишгоҳ Эмомалӣ Насриддинзода баён дошт.
Таъкид шуд, ки ин тасмим ҳамзамон бо мақсади иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон, ки дар мулоқот бо аҳли илм ва маорифи мамлакат дода шуд, роҳандозӣ карда шуд.
Гуфта шуд, ки таъмини шароити мусоиди зиндагии кормандони соҳаи илму маориф зери таваҷҷуҳи ҳамешагии Сарвари давлат қарор дошта, ҳамасола андозаи музди меҳнати онҳо баланд бардошта мешавад. Ин аст, ки имсол низ музди меҳнати кормандони соҳаи илму маориф аз ҳисоби буҷети давлатӣ ба андозаи 40 фоиз баланд гардид. Ҳамзамон дар пайравӣ бо ин иқдом, шуруъ аз 1 июли соли 2024 бо ташаббуси раёсати донишгоҳ музди маоши устодону кормандон дар ҳаҷми 10 фоиз аз ҳисоби маблағҳои махсус зиёд карда шуд.
Зарангези ЛАТИФ,
Зоирҷони ТОИРЗОД (АКС),
АМИТ «Ховар»
Дар Донишгоҳи байналмилалии сайёҳӣ ва соҳибкории Тоҷикистон маросими супоридани мукофотҳои давлатӣ баргузор шуд
Оид ба дастовардҳои илмии Тоҷикистон дар солҳои соҳибистиқлолӣ ҳамоиш доир шуд
«Барномаи давлатии такмили таълим ва омӯзиши забонҳои русӣ ва англисӣ барои давраи то соли 2030» баррасӣ гардид
Панҷ нуктаи омӯзанда аз Рӯзи дониш ва Дарси сулҳ бо паёми Президенти Тоҷикистон
Дар Донишгоҳи аграрии Тоҷикистон синфхонаи замонавӣ барои донишҷӯён ба истифода дода шуд
Президенти Фонди ОПЕК оид ба рушди байналмилалӣ бо имконоти Донишгоҳи байналмилалии сайёҳӣ ва соҳибкории Тоҷикистон шинос гардид
Муҳаққиқи ҷавони тоҷик Омина Холиқзода дар Чин соҳиби медалҳои тилло ва нуқра гардид
Пешвои миллат Эмомалӣ Раҳмон дар шаҳри Душанбе Муассисаи таълимии ғайридавлатии таҳсилоти миёнаи умумии «Имкон»-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
Имрӯз дар Тоҷикистон беш аз 240 ҳазор кӯдакон ба синфи якум рафтанд
Аз 1 сентябр донишҷӯёни тоҷик дар Русия метавонанд ҷойи зисти худро тавассути барномаи мобилии «Амина» ба қайд гиранд
Президенти Тоҷикистон: «Падару модарон ба тарбияи фарзандон бояд бо масъулияти баланд муносибат намоянд»
