Корхонаи «Сирдарё» дар як шабонарӯз то 5 ҳазор қуттӣ шарбату афшура омода мекунад
ДУШАНБЕ, 03.07.2024. /АМИТ «Ховар»/. Коргарони Ҷамъияти дорои масъулияти маҳдуди «Сирдарё» дар як шабонарӯз беш аз 10 тонна маҳсулотро коркард намуда, аз он то 5 ҳазор қуттӣ шарбату афшура омода менамоянд. Дар ин хусус АМИТ «Ховар» бо истинод ба Хадамоти матбуоти Раиси вилояти Суғд иттилоъ медиҳад.
Дар ин корхона бо ному тамғаҳои гуногун обҳои ташнагишикан ва афшураҳои гуногун истеҳсол гардида, меваву сабзавот пурра коркард мешавад.
Гуфта шуд, ки ҳамасола корхона олуча, зардолу, шафтолу, анору себ, помидор ва бодирингро аз деҳқонон қабул намуда, маҳсулоти тайёри онро ба бозорҳои дохилӣ, инчунин давлатҳои гуногун содирот мекунад.
Дар корхона айни замон беш аз 40 нафар бо ҷойи кор таъминанд, ки аксари онҳоро бонувон ташкил мекунанд.
Раиси вилояти Суғд Раҷаббой Аҳмадзода зимни шиносоӣ бо фаъолияти Ҷамъияти дорои масъулияти маҳдуди «Сирдарё» ба масъулин барои ҳарчи бештар харидорӣ намудани меваҳои шаҳдбор аз деҳқонон ва коркарду содироти маҳсулот тавсияҳои муфид дод.
Инчунин Раиси вилоят дар Ҷамъияти дорои масъулияти маҳдуди «Само» бо номгӯи маҳсулоти истеҳсолшаванда шинос гардид.
Дар ин корхона лампаҳои каммасраф ва равшанидиҳанда истеҳсол шуда, кормандони ширкат дар чароғонкунии кӯчаву хиёбонҳо ва насби камераҳои назоратӣ таҷрибаи хуб доранд. Дар корхона 50 нафар бо кор таъминанд, ки аксари онҳо дар татбиқи лоиҳаҳои гуногун ва иҷрои корҳои чароғонкунӣ саҳми хешро гузоштаанд.
АКС: Хадамоти матбуоти Раиси вилояти Суғд
Ҷалби сармоя ба соҳаи фармасевтикаи Тоҷикистон бо иштироки сармоягузорони Чин баррасӣ гардид
Тоҷикистон ва Олмон ҳамкории иқтисодию тиҷоратиро густариш медиҳанд
Хуршед Мирзо дар Форуми дуюми Тян-Шон оид ба дастовард ва иқтидори инноватсионии Тоҷикистон маълумот пешниҳод намуд
Дар шаҳри Бӯстон хати нави истеҳсолӣ ва зеристгоҳи барқӣ ифтитоҳ гардид
Ҷаласаи шарҳи маҷмуии лоиҳаҳои сармоягузории давлатии аз ҷониби Бонки Осиёии рушд маблағгузоришаванда доир шуд
Лоиҳаҳои афзалиятноки инфрасохтори нақлиётии Тоҷикистон дар «Paris InfraWeek 2026» муаррифӣ гардиданд
Дар Душанбе оид ба афзалияти иқлимии Тоҷикистон дар остонаи COP31 ва муаррифии NDC 3.0 ҳамоиш доир шуд
Ҳайати Тоҷикистон дар Форуми дуюми Тян-шон оид ба ҳамкории иқтисодӣ дар Осиёи Марказӣ иштирок намуд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Дар Левакант ҷамъоварии ҳосили пахта беш аз 100 фоиз таъмин гардид
Ҷараёни иҷрои Стратегияи Ҷумҳурии Тоҷикистон дар соҳаҳои илм, технология ва инноватсия барои давраи то соли 2030 баррасӣ шуд
Сулаймон Зиёзода бо ҷамъоварии ҳосили пахта дар ноҳияи Ҷаббор Расулов шинос шуд
