Корхонаи воҳиди давлатии «Тоҷикаэронавигатсия» аъзои SOCEA гардид
ДУШАНБЕ, 22.07.2024 /АМИТ «Ховар»/. Таъминкунандаи хизматрасонии аэронавигатсионии Ҷумҳурии Тоҷикистон, Корхонаи воҳиди давлатии «Тоҷикаэронавигатсия» аъзои SOCEA (Платформаи минтақавӣ оид ба ҳамоҳангсозии амнияти аэронаивгатсионӣ барои Аврупо ва Осиё) гардид. Дар ин хусус АМИТ «Ховар» бо истинод ба Корхонаи воҳидии давлатии «Тоҷикаэронавигатсия» хабар медиҳад.
Созишномаро муовини якуми директори генералии Корхонаи воҳиди давлатии «Тоҷикаэронаигатсия» Даврон Шодмонбекзода ва муовини директори генералии Саридораи фурудгоҳҳои давлатии Ҷумҳурии Туркия Ҷенгиз Пашаоғлу ба имзо расониданд.
SOCEA платформаи минтақавӣ оид ба ҳамоҳангсозии бехатарии аэронавигатсия барои Аврупо ва Осиё буда, моҳи августи соли 2023 таъсис ёфтааст. Айни ҳол панҷ давлат- Тоҷикистон, Узбекистон, Қирғизистон, Туркия ва Озарбойҷон аъзои он мебошанд. Ҳадафи асосии SOCEA таъмини амнияти аэронавигатсия ва афзоиши ҳаҷми ҳаракати ҳавоӣ дар минтақа мебошад.
Намояндагони давлатҳои аъзои SOCEA масъалаҳои маъмурии фаъолият ва сохтории онро баррасӣ карданд. Бо мақсади шомил шудан ба SOCEA як қатор таъминкунандагони хизматрасонии аэронавигатсионӣ, аз ҷумла Аврупо маълумот пешниҳод намуданд.
Ҳамзамон намояндагони давлатҳои аъзои SOCEA аз манораи идоракунии ҳаракати ҳавоӣ ва Маркази идораи оперативии фурудгоҳи Истамбул дидан намуданд. Бояд гуфт, ки масоҳати умумии фазои ҳавоӣ тақрибан 2 миллион километри мураббаъро ташкил медиҳад.
АКС: Корхонаи воҳиди давлатии «Тоҷикаэронавигатсия»
Соли 2026 дар вилояти Хатлон 46 коргоҳу корхонаи нави саноатӣ таъсис дода шуд
Ҳавопаймои нави Boeing 737-8 MAX ба Тоҷикистон ворид карда шуд
«МЕЪМОР-2026». Намоиш — озмуни ҷумҳуриявии беҳтарин лоиҳаҳои меъморӣ ва шаҳрсозӣ дар вилояти Суғд доир мешавад
ИСТИФОДАИ САМАРАНОКИ ЗАМИН. Дар ноҳияи Носири Хусрав моҳи август ҷамъоварии пахта оғоз мегардад
«ЭКО-2026». Дар мавзеи Ҳафткӯли шаҳри Панҷакент Ниммарафони панҷуми кӯҳӣ баргузор мешавад
Дар Душанбе Намоиши байналмилалии маҳсулоти саноати хӯрокворӣ ва бастабандии «UPAK EXPO 2026» доир мегардад
Дар сардхонаҳо ва анборхонаҳои Тоҷикистон ҳаҷми муайяни маҳсулоти кишоварзӣ захира гардидааст
Афзалияти Тоҷикистон дар соҳаи энергетика дар СММ муаррифӣ гардид
Имсол дар Тоҷикистон беш аз 240 ҳазор нафар кӯдакон ба синфи якум мераванд
Дар шаш моҳ беш аз 199 ҳазор сайёҳ маконҳои таърихӣ-фарҳангии шаҳри Кӯлобро тамошо намуданд
Оид ба сохтмони корхонаи саноатии коркарди маҳсулоти мазут дар ноҳияи Шуғнон созишномаи ҳамкорӣ ба имзо расид
Дар шаҳри Бохтар лоиҳаи «Шаҳри бехатар» амалӣ мегардад
