Кумитаи ҳолатҳои фавқулода ва мудофиаи гражданӣ: «Корҳои бартарафсозии оқибати сел дар Нуробод ва Варзоб идома доранд»
ДУШАНБЕ, 01.07.2024 /АМИТ «Ховар»/. 30 июн, соати 15:00 бинобар боришоти зиёд дар деҳаи Яҳақ, Ҷамоати деҳоти ба номи И.Ҳалимов ва дарёи Зуманаки ноҳияи Нуробод сел омад. Дар натиҷа дар деҳаи Яҳақ селпарто бо дарозии 60 метр ва баландии 3 метр аз сангу лойқа пур гардид. Дар ҳоли ҳозир корҳо барои рафъи оқибатҳои офати табиӣ идома доранд, иттилоъ медиҳад АМИТ «Ховар» бо истинод ба Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон.
Бино ба иттилои манбаъ, нимаи дуюми 30 июн дар минтақаи Варзоб низ сел омад. Соати 16:22 сел аз дараи Мазор, воқеъ дар ҳудуди деҳаи Хоҷа-Обигарми Ҷамоати деҳоти Варзоб-Қалъа ҷорӣ шуд. Дар натиҷа таҳхонаҳои манзили зисти сокинони маҳаллӣ зери об монда, ба иншооти ёрирасон қисман осеб расонд.Барои бартараф намудани паёмадҳои ин офати табиӣ низ корҳои зиёд ба анҷом расонда шуданд.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
Эъломияи Душанбе оид ба инноватсия ва технологияҳои рақамӣ қабул гардид
Ҷаласаи якуми иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
Имрӯз дар шаҳри Душанбе борони кӯтоҳмуддат меборад
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Сафири Тоҷикистон дар Амрико дар Форуми сатҳи баланд иштирок намуд
