Мутахассисони Агентии авиатсияи гражданӣ ва роҳбаладони ширкати ҳавопаймоии «Сомон Эйр» дар Чин такмили ихтисос намуданд
ДУШАНБЕ,04.07.2024 /АМИТ «Ховар»/. Мутахассисони Агентии авиатсияи гражданӣ ва роҳбаладони ширкати ҳавопаймоии «Сомон Эйр» дар давраи омӯзишӣ таҳти унвони «Роҳбаладони авиатсияи гражании давлатҳои долони «Як камарбанд ва як роҳ», ки дар музофоти Хайнани Ҷумҳурии Мардумии Чин гузаронида шуд, иштирок намуданд, хабар медиҳад АМИТ «Ховар» бо истинод ба Агентии авиатсияи граждании назди Ҳукумати Ҷумҳурии Тоҷикистон.
Давраи омӯзишӣ бо мақсади таъмини бехатарии парвоз ва риояи талаботи байналмилалӣ дар дохили ҳавопаймоҳҳо ва тарзи хизматрасонӣ ба мусофирон гузаронида шуда, дар он мутахассисони маъмуриятҳои авиатсионӣ ва роҳбаладони ширкатҳои ҳавопаймоии давлатҳои Тоҷикистон, Сийера-Леоне, Уганда, Панама Ироқ, Непал, Камбоҷа ва Муғулистон иштирок намуданд.
Ба шунавандагони давраи омӯзишӣ, мутахассисони ботаҷриба ва баландихтисоси Коллеҷи касбӣ-сайёҳӣ ва авиатсионии шаҳри Саняи музофоти Хайнан дар мавзуъҳои рушди авиатсияи гражданӣ дар Чин ва сохтори ҳушманди авиатсияи гражданӣ, идоракунии бехатарии авиатсионӣ, мусофиркашонӣ дар соҳаи авиатсияи гражданӣ, бақайдгирӣ ва интиқоли бағоҷ, интиқоли борҳои хатарнок дар соҳаи авиатсияи гражданӣ, одоби касбӣ ва хизматрасонии ҳайати парвозӣ, омӯзиши хизматрасонӣ ва маҳорати муошират, бехатарӣ дар дохили ҳавопаймо дар ҳолатҳои фавқулода ва расонидани ёрии таъҷилии тиббӣ дар ҳолати парвоз омӯзиш гузарониданд.
Инчунин иштирокдорони давраи омӯзишӣ аз терминал ва ҳавопаймои таҷҳизонидашуда, биноҳои таълимии Коллеҷи касбӣ-сайёҳӣ ва авиатсионии шаҳри Саняи музофоти Хайнани Чин боздид намуда, бо фаъолияти инфрасохторҳои авиатсионӣ шинос гардиданд.
АКС: Агентии авиатсияи граждании назди Ҳукумати Ҷумҳурии Тоҷикистон
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳру ноҳияҳои Тоҷикистон борони кӯтоҳмуддат меборад
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
