НИШАСТИ МАТБУОТӢ. Солҳои охир таваҷҷуҳи ҷавонон ба соҳаи геология меафзояд
ДУШАНБЕ, 23.07.2024. /АМИТ «Ховар»/. Барои омода шудани як нафар ҳамчун геологи ҳақиқӣ зиёда аз 15 сол лозим аст, то мутахассиси баландихтисос шавад. Ин матлабро сардори Саридораи геологияи назди Ҳукумати Ҷумҳурии Тоҷикистон Илҳомҷон Оймуҳаммадзода вобаста ба норасоии кардҳои соҳаи геологи дар нишасти матбуотии ин ниҳод, ки имрӯз баргузор шуд, баён дошт.
Илҳомҷон Оймуҳаммадзода гуфт, ки дар нимсоли аввали соли равон 35 нафар донишҷӯ барои таҷрибаомӯзӣ ба Саридораи геология муроҷиат намуд, ки шумораи кам нест, аммо барои тайёр кардани онҳо ҳамчун мутахассиси баландихтисос вақт лозим аст.
Сардори Саридораи геологияи тоҷик гуфт, ки барои гузаронидани корҳои омӯзиши геологӣ онҳо мутахассисони хориҷиро ҷалб намекунанд. Дар маҷмуъ корҳои омӯзиши геологиро дар мамлакат ҷавонони Саридораи геология амалӣ менамоянд. Метавон гуфт, ки таваҷҷуҳи ҷавонони барои геолог шудан ва дар геология кор кардан солҳои охир зиёд шудааст.
Таъкид гардид, ки аз ҷониби Саридораи геология ҷавонон барои таҳсил ва омӯзиш ба хориҷа сафарбар мегарданд. Онҳо дар хориҷи мамлакат ихтисосҳоеро мавриди таҷрибаомӯзӣ қарор медиҳанд, ки ба геологияи ҷаҳонӣ ва самти рақамикунони соҳа равона гардидааст.
Ҳамчунин гуфта шуд, ки дар назди Комиссияи давлатии Ҷумҳурии Тоҷикистон оид ба захираҳои канданиҳои фоиданок ҳамасола машғулиятҳои омӯзишӣ гузаронида мешавад.
Моҳинави НАВРӮЗ,
АМИТ «Ховар»
АКС: АМИТ «Ховар»
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
