Ноиби Президенти Бонки ҷаҳонӣ Антонелла Бассани: «Дар самти таъмини оби нушокӣ хамкориро тақвият мебахшем»
ДУШАНБЕ, 02.07.2024 /АМИТ «Ховар»/. Аз сафар ба Тоҷикистон хушҳолу сарфарозам. Ин сафари дуюми ман ба ҳайси ноиби Президенти Бонки ҷаҳонӣ аст. Ман аз тамошои табиати зебою нотакрори Тоҷикистон, шиносоӣ бо фарҳанги қадима ва меҳмоннавозии самимии мардуми он хеле хушҳол шудам. Дар мулоқот бо Президенти Ҷумҳурии Тоҷикистон муҳтарам Эмомалӣ Раҳмон вазъи шарикӣ ва ҳамкории дуҷонибаи Тоҷикистон ва Бонки ҷаҳониро баррасӣ намудем. Зимни суҳбат инчунин самтҳои ояндадор, ки метавонанд боиси амиқтар ва густариш ёфтани ҳамкорӣ гарданд, баррасӣ шуданд. Мо ба хулоса омадем, ки дар самти таъмини оби нушокӣ ҳамкориро тақвият бахшем, — гуфт Антонелла Бассани дар нишасти матбуотӣ, ки 1 июл пас аз мулоқот бо Президенти Ҷумҳурии Тоҷикистон муҳтарам Эмомалӣ Раҳмон доир гардид.
Ёдовар мешавем, ки 1 июл Президенти мамлакат муҳтарам Эмомалӣ Раҳмон ноиби Президенти Бонки ҷаҳонӣ Антонелла Бассани ва ноиби Президенти Корпоратсияи Байналмилалии Молиявӣ Хела Шейхроухуро ба ҳузур пазируфтанд. Дар мулоқот масоили ҳамкории Тоҷикистон бо сохторҳои гурӯҳи Бонки ҷаҳонӣ, аз ҷумла Корпоратсияи Байналмилалии Молиявӣ баррасӣ шуд.
Сарвари давлат муҳтарам Эмомалӣ Раҳмон дар оғози суҳбат иброз доштанд, ки «Тоҷикистон Гурӯҳи Бонки ҷаҳониро яке аз шарикони асосии худ медонад».
Таъкид гардид, ки давоми 30 соли ҳамкории пурсамар ҳаҷми маблағгузории Бонк аз Ассосиатсияи байналмилалии рушд ва Корпоратсияи Байналмилалии Молиявӣ дар маҷмуъ беш аз 190 лоиҳаро бо маблағи умумии зиёда аз 3,2 миллиард доллар ташкил медиҳад.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
СОЛИ БАЙНАЛМИЛАЛИИ ЗАНОНИ ХОҶАГИДОР. Дар Тоҷикистон беш аз 52 ҳазор хоҷагии деҳқониро занон роҳбарӣ менамоянд
Кишоварзони ноҳияи Кӯшониён дар беш аз 10 ҳазор гектар пунбадона кишт намудаанд
Мулоқоти роҳбарони Комиссияи байниҳукуматӣ оид ба ҳамкории иқтисодӣ байни Тоҷикистон ва Русия баргузор шуд
Тоҷикистон ва Миср дар соҳаи авиатсияи гражданӣ Ёддошти тафоҳуми ҳамкорӣ ба имзо расониданд
Иштирокдорони Конфронси Созмони озуқаворӣ ва кишоварзӣ бо низоми кишоварзии нодири дараи Алмосӣ — гӯсфанди зоти ҳисорӣ ва ангури тоифӣ шинос шуданд
Дар Душанбе Намоишгоҳи байналмилалии молҳо ва хизматрасонӣ барои саломатӣ ва зебоӣ доир мешавад
Ҳамкории Тоҷикистон ва Беларус дар самти сохтмон ва меъморӣ густариш меёбад
ИСТИФОДАИ САМАРАНОКИ ЗАМИН. Аъзои хоҷагии деҳқонии «Бобои Ҳақназар» картошкаро ҷамъоварӣ намуда, тарбуз кишт мекунанд
Банкнотаи ҷашнии 100-сомонии Тоҷикистон ба рӯйхати ғолибони ҷоизаи байналмилалии IACA-2026 ворид шуд
ҚУРБИ АСЪОР: 1 рубли русӣ аз 0.1250 то 0.1276 сомонӣ муқаррар шудааст
Нақшаи пилласупорӣ дар вилояти Хатлон 76,9 фоиз иҷро гардид
Мудири кулли Созмони озуқаворӣ ва кишоварзӣ Тсюй Дунъюй ба иқтидори кишоварзии Тоҷикистон баҳои баланд дод
