Пешвои миллат ба Кумитаи Иҷроияи Ҳизби Халқи Демократии Тоҷикистон дар шаҳри Хоруғ ва ноҳияҳои Ишкошиму Роштқалъа автомошинаҳои хидматӣ тақдим намуданд
ДУШАНБЕ, 11.07.2024 /АМИТ «Ховар»/. 10 июл дар майдони Исмоили Сомонии шаҳри Хоруғ маросими тақдими туҳфаҳои Раиси муаззами Ҳизби Халқи Демократии Тоҷикистон муҳтарам Эмомалӣ Раҳмон- автомошинаҳои хидматӣ ба роҳбарони Кумитаи Иҷроияи Ҳизби Халқи Демократии Тоҷикистон дар шаҳри Хоруғ ва ноҳияҳои Ишкошиму Роштқалъа доир гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии Вилояти Мухтори Кӯҳистони Бадахшон хабар медиҳад.
Дар маросими тақдими автомошинаҳои хидматӣ, Раиси вилоят Алишер Мирзонабот аз иқдомҳои наҷиби Ҳизби Халқи Демократии Тоҷикистон дар тули 30 соли фаъолияти пурсамар, бахусус оид ба дастгирию талошҳои пайвастаи Роҳбари ин ҳизби созанда, Пешвои муаззами миллат муҳтарам Эмомалӣ Раҳмон ёдовар шуд.
Раиси вилоят гуфт, ки аъзои ҳизб дар ҷавоб ба ин дастгирию ғамхориҳо бояд беш аз пеш фаъолияташонро дар самти татбиқи сиёсати хирадмандона ва бунёдкоронаи Ҳизби Халқи Демократии Тоҷикистон тақвият бахшида, ҷиҳати расидан ба ҳадафҳои созанда ҳизб бояд корҳои идеологиро дар байни сокинони вилоят пурзӯр намоянд.
Дар фарҷом аз ҷониби Раиси вилоят калиди автомошинаҳои хизматиро ба роҳбарони ҲХДТ дар шаҳри Хоруғ ва ноҳияҳои номбаршуда тақдим намуд.
Ёдовар мешавем, ки 18 октябри соли 2023 бо иштироки Раиси Вилояти Мухтори Кӯҳистони Бадахшон Алишер Мирзонабот ва муовини якуми Раиси Ҳизби Халқии Демократии Тоҷикистон Абдуҷаббор Азизӣ дар маркази маъмурии ноҳияи Рӯшон- шаҳраки Вомар бинои маъмурии Кумитаи иҷроияи Ҳизби Халқии Демократии Тоҷикистон дар ноҳияи Рӯшон мавриди истифода қарор гирифт. Ҳамзамон ба роҳбарият ва кормандони КИ ҲХДТ дар ноҳияи Рӯшон туҳфаи Пешвои миллат- мошини нави хизматӣ тақдим гардид. Ҳамчунин 19 октябри соли 2023 барои роҳбарият ва кормандони КИ ҲХДТ дар ноҳияи Шуғнон туҳфаи Пешвои миллат- нақлиёти нави хизматии тамғаи «Нива» дар вазъияти тантанавӣ супорида шуд.
Хотиррасон мешавем, ки бахшида ба 27-умин солгарди Рӯзи Ваҳдати миллӣ 4 июли соли равон аз ҷониби Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон ба кумитаҳои иҷроияи Ҳизби Халқии Демократии Тоҷикистон дар шаҳру ноҳияҳои Хоруғ, Дарвоз, Роштқалъа, Ишкошим, Мурғоби Вилояти Мухтори Кӯҳистони Бадахшон, Бохтар Данғара, Фархор, Кӯшониён, Ҷалолиддин Балхии вилояти Хатлон, шаҳрҳои Хуҷанд, Бӯстон, ноҳияҳои Бобоҷон Ғафуров ва Ашти вилояти Суғд, ноҳияҳои Шоҳмансур ва Фирдавсии шаҳри Душанбе ва ноҳияҳои Варзоб, Тоҷикобод, Рӯдакӣ ва Шаҳринав нақлиёти хизматӣ тақдим гардид.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
