Шакли нави сомонаи Президенти Ҷумҳурии Тоҷикистон
ДУШАНБЕ, 17.07.2024. /АМИТ «Ховар»/. Сомонаи нави https://www.president.tj, ки аз ҷониби мутахассисони варзидаи ватанӣ таҳия гардидааст, аз шакли пешинаи худ бо тарҳи зебою замонавӣ, суръати баланд ва дигар имконоти муосир фарқ намуда, ҳамқадам бо дастовардҳои навтарини технологияҳои иттилоотию коммуникатсионӣ, таъмини фаврият, сабукии кори истифодабарандагон ва дастрасии озоду бевосита ба хабарҳо аз фаъолияти Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон мебошад.
Дар сомона имкониятҳои нав барои дарёфт кардани маводи зарурӣ, аз ҷумла пешниҳоди васеи ҷустуҷӯ аз рӯйи калидвожаҳо, сана ва рақам, калону хурд кардани ҳаҷми матнҳо, бо сифати баланд дар таҷҳизоти худ боргирӣ кардани аксу наворҳо ва ё дар шабакаҳои иҷтимоӣ мубодила намудани онҳо фароҳам оварда шудааст.
Барои истифодабарандагони компютер, телефонҳои мобилӣ ва планшетҳо тарҳҳои алоҳидаи сомона таҳия гардида, хабарҳо дар онҳо ба таври хос ҷойгир карда мешаванд.
Ҳамаи маводи сомона бо чор забон – тоҷикӣ, русӣ, англисиву арабӣ пахш ва бо аксу наворҳои баландсифат пешниҳод мегардад. Бахшҳои сомона аз зербахшҳои зиёд иборат буда, дар онҳо маълумоти муфассалу фарогири ҷанбаҳои фаъолияти Президенти Ҷумҳурии Тоҷикистон ҷойгир аст.
Дар сомона барои хонандагон ҳамчунин дар бораи Тоҷикистон, Рамзҳои давлатӣ, Пешвои миллат, Президент, Ҳукумат ва Дастгоҳи иҷроия маълумот пешниҳод гардидаанд.
«Нома ба Президент» аз бахшҳои муҳими сомона буда, барои таъмини робитаи мустақиму бевоситаи Роҳбари давлат бо истифодабарандагони ин саҳифаи интернетӣ ва умуман мардуми кишвар пешбинӣ шудааст.
Бояд ёдовар шуд, ки аввалин маротиба сомонаи Президенти Ҷумҳурии Тоҷикистон 5 октябри соли 2005 таҳия гардида, соли 2012 навсозӣ шуда буд.
Таҳияи нави сомонаи https://www.president.tj ба кормандони воситаҳои ахбори омма ва ҳар як истифодабарандаи шабакаи ҷаҳонии интернет имконият медиҳад, ки бо истифода аз навгониҳои он ё аз саҳифаҳои Президент дар шабакаҳои иҷтимоии Facebook, Instagram, X.com, Telegram, Youtube саривақт, бевосита ва ба осонӣ маълумоти заруриро дар бораи фаъолияти Президенти Ҷумҳурии Тоҷикистон дарёфт намоянд.
Пешвои миллат Эмомалӣ Раҳмон дар ноҳияи Сино бинои тарабхонаи «Баҳор — Форел»-ро мавриди истифода қарор доданд
Президенти мамлакат Эмомалӣ Раҳмон дар ноҳияи Сино ҶДММ «Ҷавоҳироти заргарии Зарафшон»-ро ба истифода доданд
Сарвари давлат Эмомалӣ Раҳмон марҳилаи дуюми Корхонаи истеҳсоли халтаҳои полипропиленӣ, платаҳои чопӣ ва фурӯзонакҳои диодии ҶДММ «Ғаюр Гуруҳ»-ро ифтитоҳ намуданд
Пешвои миллат Эмомалӣ Раҳмон дар ноҳияи Исмоили Сомонӣ корхонаи истеҳсоли маҳсулоти нонию қаннодии ҶДММ «Нонпаз»-ро ба истифода доданд
Президенти Ҷумҳурии Тоҷикистон Эмомалӣ Раҳмон ба Раиси тозаинтихоби Ҷумҳурии Исломии Эрон Масъуд Пизишкиён барқияи табрикӣ ирсол намуданд
Президенти Ҷумҳурии Тоҷикистон Эмомалӣ Раҳмон ба Сарвазири Шоҳигарии Муттаҳидаи Британияи Кабир ва Ирландияи Шимолӣ Кир Родни Стармер барқияи табрикӣ ирсол намуданд
Сафари давлатии Раиси Ҷумҳурии Мардумии Чин Си Ҷинпин дар Ҷумҳурии Тоҷикистон анҷом ёфт
Шоми дӯстӣ ба истиқболи Раиси Ҷумҳурии Мардумии Чин Си Ҷинпин
Бо иштироки Эмомалӣ Раҳмон ва Си Ҷинпин маросими ифтитоҳи биноҳои Парлумони Тоҷикистон ва Ҳукумати Ҷумҳурии Тоҷикистон баргузор шуд
Изҳороти матбуотии Президенти Ҷумҳурии Тоҷикистон Эмомалӣ Раҳмон аз рӯйи натиҷаҳои сафари давлатии Раиси Ҷумҳурии Мардумии Чин Си Ҷинпин ба Ҷумҳурии Тоҷикистон
Маросими имзои санадҳои нави ҳамкории Тоҷикистону Чин ва нишасти матбуотӣ
Пешвои миллат Эмомалӣ Раҳмон бо мукофоти олии Ҷумҳурии Мардумии Чин — ордени «Дӯстӣ» сарфароз гардонда шуданд
