Сокинони деҳаи Қаҳрамони ноҳияи Шаҳринав бо оби нӯшокӣ таъмин мегарданд
ШАҲРИНАВ, 10.07.2024 /АМИТ «Ховар»/. Бо мақсади бо оби ошомиданӣ таъмин намудани аҳолии деҳаи Қаҳрамони Ҷамоати деҳоти Сабои ноҳияи Шаҳринав бо ташаббуси соҳибкорони маҳаллӣ ва сокинон корҳои сохтмонӣ, кандани замин барои хобондани қубурҳои обгузар оғоз гардид. Дар ин хусус ба хабарнигори минтақавии АМИТ «Ховар» дар Мақомоти иҷроияи ҳокимияти давлатии ноҳияи Шаҳринав иттилоъ доданд.
Тавассути техника ва ҳашари сокинони деҳа масофаи зиёда аз 2,5 километр барои хобондани лӯлаҳои обгузар омода гардида, чоҳи амудӣ бо чуқурии 100 метр тайёр шудааст.
Бояд гуфт, ки сокинони деҳаи Қаҳрамон аз нарасидани оби нӯшокӣ мушкилӣ доштанд. Баъди амалӣ гардидани ин иқдом, зиёда аз 200 ҳоҷагӣ ва ё наздики 1300 нафар аҳолии деҳаи Қаҳрамон бо оби нӯшокӣ таъмин мегарданд.
АКС: Мақомоти иҷроияи ҳокимияти давлатии ноҳияи Шаҳринав
Дар хоҷагиҳои шаҳри Ҳисор ҷамъоварии ҳосили пахта оғоз гардид
Имрӯз дар шаҳри Душанбе ҳаво то 33 дараҷа гарм мешавад
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
