ТАҲСИЛОТИ РАҚАМӢ. Бақайдгирии хонандагони синфҳои 1 ба муассисаҳои таълимии пойтахт тавассути «eDonish» амалӣ мешавад
ДУШАНБЕ, 31.07.2024. /АМИТ «Ховар»/. Имсол бақайдгирии хонандагони синфҳои 1 ба муассисаҳои таълимии шаҳри Душанбе тавассути барномаи электронии «eDonish» амалӣ мешавад. Ин иқдом дар доираи тадбирҳо баҳри гузариш ба таҳсили рақамӣ амалӣ гардида, барои гузариш ба низоми электронии таҳсил қадами муҳим ба шумор меравад. Дар ин хусус ба АМИТ «Ховар» дар Сарраёсати маорифи шаҳри Душанбе хабар доданд.
Бо ин мақсад дар шаҳри Душанбе даври омӯзишӣ оид ба қабули хонандагон ба синфи як тавассути барномаи электронии “eDonish” баргузор карда шуд, ки дар он масъулини барномаи электронии «eDonish»-и муассисаҳои таҳсилоти миёнаи умумии шаҳри Душанбе иштирок намуданд.
Таъкид шуд, ки барномаи электронии «eDonish» дар муассисаҳои таҳсилоти миёнаи умумии шаҳри Душанбе давоми фаъолият ба муваффақияти назаррас ноил гардида, дар ин муддат дурустиашро исбот намуд. Барнома имконияти васеъ дошта, барои гузаштан ба таҳсили рақамӣ заминаи мувофиқ фароҳам сохтааст.
Дар ҳамоиш ба маъмурон ва масъулин тарзи кор бо низоми электронӣ, тартиби амалисозии он қадам ба қадам омӯзонида шуд.
Бояд гуфт, ки аз ҷониби Корхонаи воҳиди давлатии «Шаҳри ҳушманд» (Smart City) –и Мақомоти иҷроияи ҳокимияти давлатии шаҳри Душанбе дар 150 муассисаи таълимии шаҳри Душанбе барномаи электронии «eDonish» фаъол гардонида шудааст. Тавассути ин барнома соли 2024 фаъолияти 10 ҳазору 456 омӯзгор, 250 ҳазору 31 хонанда назорат шуда, аз он 207 ҳазору 725 волидайн истифода намудаанд.
Бояд гуфт, ки барномаи «eDonish» хизматрасонии электронӣ мебошад, ки тавассути он волидайни хонандагони муассисаҳои таълимӣ аз ахлоқу рафтор ва пешрафти донишомӯзии фарзандонашон бо истифода аз воситаҳои иттилоотиву коммуникатсионии муосир ва гирифтани паёмакҳо ба телефонҳои ҳамроҳ ба таври доимӣ бохабар мешаванд.
Тавассути ин барнома волидайн метавонанд вазифаҳои хонагии фарзандонашонро аз фанҳои таълимӣ, супоришҳои омӯзгорон ва дигар маълумоти заруриро, ки аз маъмурияти муассисаи таълимӣ мерасанд, бо паёмак ба телефон дастрас намоянд.
Гузашта аз ин барномаи «eDonish» ба муассисаҳои таълимӣ имкон медиҳад, ки бо волидайни хонандагон робитаи боз ҳам зичтар ва доимӣ барқарор намуда, оид ба раванди таҳсили ҳар хонанда ва сатҳи пешрафти онҳо дар робита бошанд.
Зарангези ЛАТИФ,
АМИТ «Ховар»
АКС: Сарраёсати маорифи шаҳри Душанбе
35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
Имрӯз дар Тоҷикистон беш аз 240 ҳазор кӯдакон ба синфи якум рафтанд
Аз 1 сентябр донишҷӯёни тоҷик дар Русия метавонанд ҷойи зисти худро тавассути барномаи мобилии «Амина» ба қайд гиранд
Президенти Тоҷикистон: «Падару модарон ба тарбияи фарзандон бояд бо масъулияти баланд муносибат намоянд»
Пешвои миллат дастур доданд, ки сифат ва муҳтавои китобҳои насли нав беҳтар карда шавад
Президенти Тоҷикистон: «Зарур аст дар байни ҷавонону наврасон фарҳанги истифодаи шабакаи интернет баланд бардошта шавад»
Кормандони Мақомоти иҷроияи ҳокимияти давлатии ноҳияи Ёвон суханронии Президенти Тоҷикистонро дастҷамъона тамошо намуданд
Пешвои миллат: «Ба мо, пеш аз ҳама, мутахассис зарур аст, на ҷавоне, ки танҳо соҳиби диплом аст»
МАКТАБУ МАОРИФ — ВАСИЛАИ ҲИФЗУ ТАҲКИМИ СУЛҲУ ОРОМӢ ВА СУБОТИ СИЁСӢ. Иқтибосҳо аз суханрониҳои Пешвои миллат бахшида ба Рӯзи дониш
Эмомалӣ Раҳмон: «29 ҳазор хатмкардагони муассисаҳои таҳсилоти миёнаи умумӣ бо квотаи президентӣ ба таҳсил фаро гирифта шуданд»
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати Рӯзи дониш ва Дарси сулҳ дар муассисаи таҳсилоти миёнаи умумии №105-и шаҳри Душанбе
Пешвои миллат Эмомалӣ Раҳмон дар шаҳри Душанбе муассисаи таҳсилоти миёнаи умумии рақами 105-ро ифтитоҳ намуданд
