Тоҷикистону Узбекистон ҷиҳати бехатарии молу маҳсулот ва баҳодиҳии мутобиқат нақшаи корӣ таҳия намуданд
ДУШАНБЕ, 24.07.2024. /АМИТ «Ховар»/. Байни Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон ва Муассисаи давлатии «Маркази миллии тадқиқотӣ-ташхисӣ ва назорати сифати Узбекистон» нақшаи кории амалигардонии фаъолияти рушди ҳамкории дуҷониба дар самти баҳодиҳии мутобиқат барои солҳои 2024-2025 ба имзо расид. Дар ин хусус ба АМИТ «Ховар» дар Агентии «Тоҷикстандарт» хабар доданд.
Нақшаи мазкур аз ҷониби директори Агентии «Тоҷикстандарт» Темурҷон Абдулваҳҳобзода ва директори Муассисаи давлатии «Маркази милли тадқиқотӣ-ташхисӣ ва назорати сифати Узбекистон» Ҷавлон Каттахоҷаев имзо шуда, барои рушди озмоишгоҳҳо, таъмини бехатарии молу маҳсулот ва дар ин замина барои аз байн бурдани монеаҳои техникӣ дар савдои байни ду мамлакат, инчунин рушди содироти маҳсулот мусоидат мекунад.
Ёдовар бояд шуд, ки зимни сафари давлатии Президенти Ҷумҳурии Тоҷикистон муҳтарам Эмомалӣ Раҳмон ба Ҷумҳурии Узбекистон 17-18 августи соли 2018 Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Узбекистон оид ба ҳамкорӣ дар соҳаи стандартизатсия, метрология ва сертификатсия ба имзо расонида шуд.
Агентии «Тоҷикстандарт» дар доираи Созишномаи мазкур ва Шурои байнидавлатӣ оид ба стандартизатсия, метрология ва сертификатсияи Иттиҳоди давлатҳои мустақил (МГС) ҳамкории судмандро дар самти стандартизатсия, метрология ва баҳодиҳии мутобиқат бо мақомоти ваколатдори Ҷумҳурии Узбекистон ба роҳ мондааст.
Бо мақсади омӯзиш ва табодули таҷриба мутахассисони соҳаи метрология ва менеҷменти сифат аз дастгоҳи марказӣ ва зерсохторҳои минтақавии Агентии «Тоҷикстандарт» дар пажуҳишгоҳи стандартизатсия, метрология ва сертификатсияи шаҳри Тошканди Ҷумҳурии Узбекистон ба машғулиятҳои омӯзишӣ фаро гирифта шуда, пас аз хатми он соҳиби сертификат гардиданд. Инчунин мутахассисони раёсати метрологӣ ҷиҳати шиносоӣ аз фаъолияти озмоишгоҳи калибровкакунии вазн ва ҳарорати Агентии «Узстандарт» ба Ҷумҳурии Узбекистон сафарбар гардиданд.
Ҳамзамон як гурӯҳ мутахассисони соҳибтаҷрибаи соҳаи метрология аз Ҷумҳурии Узбекистон ба Агентии «Тоҷикстандарт» ташриф оварданд, ки донишу малака ва таҷрибаи худро бо мутахассисони агентӣ мубодила намуданд.
Бояд гуфт, ки масъалаҳо марбут ба соҳа дар доираи ҷаласаҳои Комиссияи байниҳукуматии Тоҷикистону Узбекистон доир ба ҳамкории тиҷоративу иқтисодӣ низ баррасӣ ва ҳалу фасл мегарданд.
Ҷиҳати густариши ҳамкорӣ дар самти метрология ва дар ин замина татбиқи бандҳои Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Узбекистон оид ба ҳамкорӣ дар соҳаи стандартизатсия, метрология ва сертификатсия намояндагони Институти миллии метрологии Узбекистон ба агентӣ ташриф оварда, ҷиҳати рушди ҳамкории муштарак дар самти метрология Харитаи роҳ таҳия ва ба имзо расонида шуд.
АКС: Агентии «Тоҷикстандарт»
Дар минтақаи ҷангалпарварии ноҳияи Рӯдакӣ зиёда аз 30 ҳазор бех ниҳол шинонида шуд
Дар водиҳои Тоҷикистон кишти картошка идома дорад
Дар шоҳроҳи Роғун — Нуробод зиёда аз 900 бех ниҳоли олуча ва дарахтони сояафкан шинонида шуд
«Стратегияи рушди саноат дар Ҷумҳурии Тоҷикистон барои давраи то соли 2030» мавриди амал қарор дорад
НИСОИ БУЛУНКӮЛ. Муаррифии фаъолияти зане, ки роҳбарии Истгоҳи ҳавосанҷииро дар ноҳияи Мурғоб бар уҳда дорад
КИШТИ БАҲОРӢ. Моҳи март дар Тоҷикистон кишти сабзавот оғоз мегардад
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
Самтҳои асосии Паёми Президенти Тоҷикистон ба Маҷлиси Олӣ дар Хадамоти гумрук тавзеҳ дода шуданд
Вазирони энергетикаи Тоҷикистон ва Покистон дурнамои рушди ҳамкориро дар соҳаи энергетика баррасӣ намуданд
