Тоҷикматлубот сокинони пойтахтро бо маҳсулоти мавриди ниёзи аввал таъмин менамояд
ДУШАНБЕ, 30.07.2024 /АМИТ «Ховар»/. Раёсати Иттифоқи Тоҷикматлубот ҳамарӯза дар ҳамкорӣ бо соҳибкорон дар бозорҳои соҳа фаъолияти муътадилро амалӣ намуда, маҳсулоти кишоварзӣ ва дигар молҳои мавриди ниёзи аввалро ба фурӯш мебарорад. Шумораи бозорҳои соҳа 61 ва ҷойҳои нишаст дар онҳо 15647 ададро ташкил медиҳад. Ин нуктаро муовини Раиси Раёсати Иттифоқи Тоҷикматлубот Хуршед Раҳмонализода 30 июл зимни нишасти матбуотӣ баён намуд.
Иттилоъ дода шуд, ки дар бозорҳо ва дигар корхонаву хоҷагиҳои иттифоқи матлубот 20 ҳазору 500 нафар ба фаъолияти соҳибкорӣ машғул мебошанд.
Ҳамчунин оид ба иҷрои қарори Ҳукумати Ҷумҳурии Тоҷикистон «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2024-2025» қарор ва нақшаи Раёсат қабул гардида, роҳбарони хоҷагиҳо вазифадор карда шуданд, ки то оғози мавсими захираи маҳсулоти кишоварзӣ ҳама анбору сардхонаҳоро таъмир, омода ва бо лавозимоти зарурӣ таъмин намоянд.
Дар нишаст ҳамзамон гуфта шуд, ки барои захираи маҳсулоти кишоварзӣ 32 анбор дар масоҳати 32 928 метри мураббаъ ва 3 сардхона барои нигаҳдории 2100 тонна маҳсулот фаъолият менамоянд.
Моҳинави НАВРӮЗ,
АМИТ «Ховар»
АКС: АМИТ «Ховар»
Дар ноҳияи Мастчоҳ ҷамъоварии ҳосил ва кишти тирамоҳӣ идома дорад
Дар Тоҷикистон истеҳсоли моҳӣ беш аз 5 фоиз зиёд шудааст
ЗАНБӮРИАСАЛПАРВАРӢ. Занбӯрҳо гардолудкунандаи асосии растаниҳо ва дарахтони мевадор мебошанд
Дар ноҳияи Бобоҷон Ғафуров ду зеристгоҳи барқӣ ба истифода дода шуд
Рушди ҳамкории байниминтақавии Хатлону Пенза баррасӣ гардид
Тоҷикистон ҳамкориро дар соҳаи саноат бо вилояти Хуросони Разавии Эрон тақвият медиҳад
Дар вилояти Суғд беш аз 2 ҳазор километр роҳ аз таъмир бароварда шуд
Форуми байналмилалии сармоягузории «Хатлон Инвест-2026» бо иштироки беш аз 30 давлат баргузор шуд
Дар Душанбе симпозиуми ҷамъбастӣ ва форуми муштарак баргузор шуд
Дар шаҳри Норак Фестивали анорпарварон баргузор гардид
Дар Душанбе ҷаласаи Шурои ҳамоҳангсозии роҳбарони хадамоти андози кишварҳои аъзои ИДМ доир шуд
Дар Душанбе конференсияи байналмилалӣ оид ба рушди илм ва истеҳсолоти кишоварзӣ баргузор гардид
