Вазири энергетика ва захираҳои оби Тоҷикистон: «Конфронси таърихии Созмони Милали Муттаҳид оид ба об ҷаҳонро атрофи масъалаи об муттаҳид намуд»
ДУШАНБЕ,17.07.2024/АМИТ «Ховар»/. «Конфронси таърихии Созмони Милали Муттаҳид оид ба об, ки моҳи марти соли 2023 бо ҳамраисии Тоҷикистон ва Шоҳигарии Нидерланд баргузор гардид, ҷаҳонро атрофи масъалаи об муттаҳид намуд»,- чунин гуфт Вазири энергетика ва захираҳои оби Ҷумҳурии Тоҷикистон Далер Ҷумъа 16 июл дар Ню Йорк дар чорумин ҳамоиши солона ва махсус доир ба Ҳадафҳои рушди устувор ҲРУ/SDG 6 ва Рӯзномаи амал оид ба об.
Тавре дар Вазорати энергетика ва захираҳои оби ҷумҳурӣ ба АМИТ «Ховар» иттилоъ доданд, чорумин ҳамоиши солона ва махсус доир ба Ҳадафҳои рушди устувор ҲРУ/SDG 6 аз ҷониби ниҳоди Созмони Милали Муттаҳид – об (UN Water) дар ҳошияи Форуми сиёсии сатҳи баланд оид ба рушди устувор (HLPF-2024) гузаронида шуд.
Вазири энергетика ва захираҳои оби Тоҷикистон афзуд, ки ташаббусҳои глобалии Президенти Ҷумҳурии Тоҷикистон муҳтарам Эмомалӣ Раҳмон — «Раванди оби Душанбе» давоми ду даҳсола давлатҳои узви Созмони Милали Муттаҳид ва ниҳодҳои он, сохторҳои байналмилаливу минтақавӣ ва молиявӣ, ҷомеаи шаҳрвандӣ ва дигар ҷонибҳои манфиатдорро ҷиҳати муҳокимаи мушкилоти глобалии об ва дарёфти роҳҳои ҳаллу фасли он муттаҳид месозанд.
Иттилоъ дода шуд, ки Тоҷикистон дар доираи уҳдадориҳои худ дар Рӯзномаи амал оид ба об, уҳдадор шудааст, ки «Раванди оби Душанбе»-ро ҷиҳати пайгирии Конфронси оби Созмони Милали Муттаҳид 2023, бахусус, барои дастгирии татбиқи он истифода барад.
Гуфта шуд, ки раванди мазкур ҳамчун як платформаи муколама байни ҷонибҳои манфиатдор хидмат хоҳад кард ва Тоҷикистон омода аст, ин равандро минбаъд густариш диҳад.
Дар робита ба ин, таъкид гардид, ки Тоҷикистон, яке аз аввалинҳо шуда, ҷиҳати фаъолсозии «Фонди байналмилалии мақсаднок оид ба ҳифзи пиряхҳо» саҳми молиявии худро гузошт.
Далер Ҷумъа иштирокдорони ҳамоишро барои иштирок дар конфронси байналмилалии сатҳи баланд оид ба ҳифзи пиряхҳо, ки соли 2025 дар Душанбе баргузор мегардад, даъват намуд.
АКС:Вазорати энергетика ва захираҳои оби Ҷумҳурии Тоҷикистон
Арзиши байналмилалии металлургияи миллӣ ва рушди истеҳсоли металлҳои сиёҳ дар Тоҷикистон
25 ИЮЛ — РӮЗИ КОРМАНДОНИ НАҚЛИЁТИ АВТОМОБИЛӢ. Дар Тоҷикистон ин нақлиёт дар самти боркашонӣ ва интиқоли мусофирон нақши калидӣ дорад
«ПОМИРИНВЕСТ-2026». Дар Форуми байналмилалии сармоягузорӣ 57 тафоҳумнома ба маблағи беш аз 6,5 миллиард сомонӣ ба имзо расид
Дар «Помиринвест-2026» иқтидори истеҳсолию саноатии Бадахшон муаррифӣ гардид
Ширкати ҳавопаймоии «Shohin Airlines» чор ҳавопаймои Airbus A320neo дастрас менамояд
Дар Душанбе ҷаласаи гурӯҳи кории техникӣ оид ба татбиқи Стратегияи рушди соҳаи алоқа доир шуд
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
Ҳаҷми умумии даромади буҷети давлатии Тоҷикистон 114,3 фоиз иҷро гардидааст
Ҳайати Тоҷикистон дар Форуми ҳамкорӣ ва рушди тиҷорати электронии Роҳи абрешим иштирок намуд
Тоҷикистон ҳамкориро дар соҳаи саноат бо шаҳри Чонгчини Чин густариш медиҳад
Дар Хадамоти зиддиинҳисорӣ оид ба танзими нархи молу маҳсулоти аз ҷиҳати иҷтимоӣ зарурӣ ҷаласаи Ситоди доимӣ доир шуд
