Захираи барф дар ҳавзаҳои дарёҳои Қизилсу, Ёхсу, Обихингоб, Сурхоб, Камароб ва Кофарниҳон нисбат ба ҳамин давраи соли гузашта 16 фоиз кам шудааст
ДУШАНБЕ, 25.07.2024 /АМИТ «Ховар»/. Соли равон дар доираи иҷрои чорабиниҳои «Барномаи давлатии омӯзиш ва ҳифзи пиряхҳои Ҷумҳурии Тоҷикистон барои солҳои 2010-2030» ҷиҳати муайян намудани захираи барф мушоҳидаҳои аэровизуалӣ дар ҳавзаи дарёҳои Қизилсу, Ёхсу, Обихингоб, Сурхоб, Камароб ва минтақаи Канаски ҳавзаи дарёи Кофарниҳон гузаронида шуд.
Тавре муовини раиси Кумитаи ҳифзи муҳити зисти назди Ҳукумати Ҷумҳурии Тоҷикистон Лоиқ Раҳмонзода имрӯз зимни нишасти матбуотӣ дар ҷамъи хабарнигорон дар Душанбе гуфт: натиҷаи мушоҳидаҳои аэровизуалӣ нишон дод, ки сарҳади қабати барфпӯш 1950-2700 метр аз сатҳи баҳрро ташкил дода, захираи барф дар ҳавзаҳои дарёҳои Қизилсу, Ёхсу, Обихингоб, Сурхоб, Камароб ва Кофарниҳон -минтақаи Канаск 82 фоизи меъёри бисёрсоларо ташкил медиҳад, ки нисбат ба ҳамин давраи соли гузашта 16 фоиз кам мебошад.
Инчунин дар ин давра мутахассисони Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон дар минтақаҳои Майхӯра, Ҳушёрӣ ва Такоби ноҳияи Варзоб, ҳавзаи дарёҳои Саратоғи ноҳияи Айнӣ, Камароби ноҳияи Рашт, Ёхсуи ноҳияи Муъминобод, Обихингоби ноҳияи Сангвор, Ванҷоб ва Ғунди Бадахшон корҳои барфченкуниро бо усули пиёдагардӣ ба анҷом расониданд, ки аз рӯи он ҳисоботҳо ва варақаҳои захираи барф омода гардиданд.
Марзия САИДЗОДА,
АМИТ «Ховар»
АКС: АМИТ «Ховар»
«Стратегияи миллии гуногунии биологии Ҷумҳурии Тоҷикистон барои соли 2030» баррасӣ гардид
«DIGITAL TAJIKISTAN 2026». Моҳи ноябр дар Душанбе форуми байналмилалӣ доир мешавад
Оид ба татбиқи Конвенсияи Созмони Милали Муттаҳид бар зидди коррупсия дар Ҷумҳурии Тоҷикистон вохӯрӣ доир шуд
Дар Бохтар Форуми байналмилалии сармоягузории «Хатлон Инвест – 2026» баргузор мешавад
Ҷамшед Нурмаҳмадзода: «Омори боэътимод заминаи муҳими банақшагирӣ, пешрафт ва қабули қарорҳои дуруст ба манфиати ҷомеа аст»
Байни Тоҷикистон ва Чин Ёддошти тафоҳуми ҳамкорӣ дар соҳаи стандартизатсия ба имзо расид
Тоҷикистон ва Арманистон ҳамкориро дар самти ҳифз ва барқарорсозии экосистемаҳо ва мониторинги гуногунии биологӣ тақвият медиҳанд
Байни Тоҷикистон ва Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид
Байни мақомоти зиддикоррупсионии Тоҷикистон ва Чин Ёддошти тафоҳум оид ба пешгирӣ ва мубориза бо коррупсия ба имзо расид
Дар Агентии авиатсияи гражданӣ дар мавзуи «Амнияти иттилоотӣ дар шароити таҳдидҳои киберии муосир» ҳамоиш доир шуд
Дар Тоҷикистон беш аз 4 ҳазор коргоҳу корхонаи истеҳсолӣ фаъолият менамояд
Сохтмони роҳи таворавии шаҳри Кӯлоб қадами муҳим дар рушди инфрасохтори нақлиётии Тоҷикистон аст
