35-СОЛАГИИ ИСТИҚЛОЛИ ДАВЛАТӢ. Дар деҳоти Фондарёи ноҳияи Айнӣ бо саҳми сокинону соҳибкорон хати оби нӯшокӣ ва полезӣ кашида шуд
ДУШАНБЕ, 04.08.2024 /АМИТ «Ховар»/. Ба истиқболи ҷашни 35-солагии Истиқлоли давлатии Ҷумҳурии Тоҷикистон дар деҳоти Фондарёи ноҳияи Айнӣ бо саҳми сокинону соҳибкорон хати оби нӯшокӣ ва полезӣ кашида шуд, ки дар натиҷа қариб 200 хоҷагӣ бо оби нӯшокӣ ва 8 гектар замини наздиҳавлигии сокинон бо оби полезӣ таъмин гардид. Дар ин хусус АМИТ «Ховар» бо истинод ба хадамоти матбуоти Раиси вилояти Суғд хабар медиҳад.
Иттилоъ дода шуд, ки саргаҳи об деҳаи Махшеват буда, бо харҷи 1,5 миллион сомонӣ ба масофаи 8,5 километр тавассути қубурҳои полиэтиленӣ об оварда шуд. Соҳибкорону сокинон нақша доранд, ки дар оянда майдони варзишӣ бунёд намоянд, роҳҳои дохили маҳалларо обод созанд ва ҷашни 35-солагии Истиқлоли давлатии Ҷумҳурии Тоҷикистонро бо дастовардҳои арзанда истиқбол гиранд.
Ҳамчунин дар деҳаи Ҳайронбеди деҳоти Фондарё корҳои ободонӣ, аз ҷумла чароғонкунии кӯчаҳо бо истифода аз лампаҳои замонавӣ, ки манбаи равшаниаш аз нури Офтоб аст, идома дошта, дар шафати роҳҳои деҳа дарахтони ҳамешасабзу ороишӣ шинонида мешавад.
Раиси вилояти Суғд дар деҳаи Ҳайронбед бо сокинон вохӯрӣ намуда, дар ин деҳа ба бунёди ҳавзи шиноварӣ санги асос гузошт.
Зимни муаррифии лоиҳа маълумот дода шуд, ки майдони умумии зери сохтмони ҳавзи шиноварӣ 160 метри мураббаъ буда, дарозии ҳавз 22 ва паҳноияш 8 метрро ташкил медиҳад. Мувофиқи лоиҳа ин иншоот аз ҳисоби соҳибкорони маҳаллӣ бунёд гардида, дар он ҳавзи шиноварӣ, мағозаи махсуси фурӯши лавозимоти шиноварию истироҳатӣ, ҳаммом, ҳуҷраҳо барои ивази либос ва утоқҳои кории маъмурият ҷой дода шудаанд. Барои амалӣ шудани корҳои сохтмонӣ 500 000 сомонӣ пешбинӣ шудааст.
Ҳамчунин дар деҳа майдонҳои варзишӣ барои футбол, волейбол, баскетбол ва теннис бо дастгирии мақомоти иҷроияи ҳокимияти давлатии ноҳия, саҳми соҳибкорону сокинон бо харҷи 1,8 миллион сомонӣ сохта мешаванд.
Инчунин бинои нави беморхонаи минтақавии №6-и деҳоти Фондарё дар аоси талаботу меъёрҳои сохтмонӣ бунёд мегардад.
АКС: Хадамоти матбуоти Раиси вилояти Суғд
35-СОЛАГИИ ИСТИҚЛОЛИ ДАВЛАТӢ. Дар ноҳияи Ёвон роҳҳои байни деҳаҳо мумфарш карда мешаванд
35-СОЛАГИИ ИСТИҚЛОЛИ ДАВЛАТӢ. Дар Мастчоҳ бинои иловагии муассисаи таҳсилоти томактабӣ сохта мешавад
Президенти Ҷумҳурии Тоҷикистон Эмомалӣ Раҳмон дар шаҳри Бӯстон тарабхонаи “Кайҳон”-ро ифтитоҳ намуданд
Сарвари давлат Эмомалӣ Раҳмон меҳмонхонаи панҷошёнаи “Кайҳон”-и ҶСК “Фурудгоҳи байналмилалии Хуҷанд”-ро ба истифода доданд
Пешвои миллат Эмомалӣ Раҳмон дар шаҳри Бӯстон корхонаи истеҳсоли газаблоки “Хишти муосири аълосифат”-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон Мактаби санъати шаҳри Бӯстонро мавриди баҳрабардорӣ қарор доданд
Сарвари давлат Эмомалӣ Раҳмон дар шаҳри Хуҷанд якчанд корхонаю коргоҳҳои ҶДММ Сирдарёро ифтитоҳ намуданд
Пешвои миллат Эмомалӣ Раҳмон бинои Факултети №4-и Академияи Вазорати корҳои дохилиро дар шаҳри Хуҷанд ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд корхонаи коркарди меваю сабзавоти ҶДММ «ДороАртФуд»-ро ба истифода доданд
Пешвои миллат Эмомалӣ Раҳмон дар деҳаи Басмандаи ноҳияи Деваштич муассисаи таҳсилоти томактабии №6-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич 5 кӯдакистон, муассисаи таълимӣ, толори варзишӣ ва бинои маъмурии Кумитаи иҷроияи ноҳиявии ҲХДТ-ро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Деваштич Коргоҳи дӯзандагӣ ва қолинбофии “Ёсуман”-ро ифтитоҳ намуданд
