35-СОЛАГИИ ИСТИҚЛОЛИ ДАВЛАТӢ. Дар ноҳияи Қубодиён 158 иншоот сохта мешавад
ДУШАНБЕ, 07.08.2024. /АМИТ «Ховар»/. Бо мақсади сазовор пешвоз гирифтани ҷашни 35-солагии Истиқлоли давлатии Ҷумҳурии Тоҷикистон дар ноҳияи Қубодиён ба истифода додани 129 адад ва илова бо биноҳои иловагӣ 158 иншоот пешбинӣ гардида, то ин муддат 99 бинои соҳаҳои хоҷагии халқи ноҳия мавриди истифода қарор дода шудааст, ки дар маҷмуъ 63 фоизи нақшаро дар бар мегирад. Дар ин хусус 6 август зимни нишасти матбуотӣ дар ин ноҳия иттилоъ дода шуд.
Тавре АМИТ «Ховар» бо истинод ба Мақомоти иҷроияи ҳокимияти давлатии ноҳияи Қубодиён хабар медиҳад, дар шашмоҳаи аввали имсол ҳаҷми маҷмуи маҳсулоти дохилӣ дар ноҳия 1 миллиарду 27 миллион сомонӣ ё ин ки 102,1 фоиз нисбат ба ҳамин давраи соли 2023-ро ташкил намуда, афзоиш ба соҳаи кишоварзӣ 7,7 фоиз ва соҳаи саноат 5,7 фоиз рост меояд.
Дар ин давра ҳамагӣ 6746 ҷойи кори нав, аз ҷумла 1740 ҷойи кори мавсимӣ ва 5006 ҷойи кори муваққатӣ таъсис дода шуд, ки 79,2 фоизи нақшаро ташкил медиҳад.
Истеҳсоли маҳсулоти саноатӣ дар шашмоҳаи аввали имсол ба 67,8 миллион сомонӣ расид, ки нисбат ба ҳамин давраи соли 2023 3,6 миллион сомонӣ зиёд мебошад.
Тибқи нақшаи чорабиниҳо, аз ҷониби соҳибкорони маҳаллӣ бунёди 12 коргоҳу корхонаи истеҳсолию хизматрасонӣ пешбинӣ гардидааст. То ин муддат 5 корхона мавриди истифода қарор дода шуда, дар ин самт корҳо идома доранд.
Дар нишасти матбуотӣ дар самти кишоварзӣ изҳор гардид, ки дар ҳамаи бахшҳои хоҷагидории ноҳия дар 17776 гектар зироати кишоварзӣ кишт шудааст, ки нисбат ба ҳамин давраи соли 2023 410 гектар зиёд мебошад.
АКС аз манбаъҳои боз
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
Самтҳои асосии Паёми Президенти Тоҷикистон ба Маҷлиси Олӣ дар Хадамоти гумрук тавзеҳ дода шуданд
Вазирони энергетикаи Тоҷикистон ва Покистон дурнамои рушди ҳамкориро дар соҳаи энергетика баррасӣ намуданд
Сардори Хадамоти алоқа дар Конгресси ҷаҳонии мобилӣ дар Испания иштирок намуд
Ҷаласаи ёздаҳуми Шурои миллии суботи молиявӣ дар Ҷумҳурии Тоҷикистон баргузор гардид
Дурнамои нишондиҳандаҳои рушди иҷтимоию иқтисодии шаҳру ноҳияҳои Роғун, Ваҳдат, Файзобод ва Варзоб муаррифӣ карда шуд
Тоҷикистон ва Туркманистон ҳамкориро дар соҳаи саноати нассоҷӣ тақвият медиҳанд
Дар Вазорати молияи Тоҷикистон татбиқи лоиҳаҳои нақлиёту энергетика баррасӣ гардид
Дар Палатаи ҳисоб оид ба пешгирӣ ва муқовимат ба коррупсия машварат баргузор шуд
Дар Душанбе Протоколи ҷаласаи 14-уми Комиссияи муштараки байниҳукуматии Тоҷикистон ва Туркманистон ба имзо расид
