Ҳангоми бақайдгирии давлатӣ минбаъд ба автомобилҳои барқӣ рақамҳои сабз дода мешаванд
ДУШАНБЕ,14.08.2024 /АМИТ «Ховар»/. Минбаъд соҳибони мошинҳои барқӣ дар Тоҷикистон ҳангоми бақайдгирӣ дар Бозрасии давлатии автомобилӣ бояд рақами давлатии сабз гиранд. Дар ин хусус 8 августи имсол дар нишасти матбуотии Вазорати корҳои дохилии Тоҷикистон сардори Раёсати Бозрасии давлатии автомобилии Вазорати корҳои дохилии Ҷумҳурии Тоҷикистон Рустам Мирзомуродзода хабар дод. Илова гардид, ки рақамҳои сабз барои мошинҳо мисли рақамҳои муқаррарӣ 380 сомонӣ арзиш доранд.
АМИТ «Ховар» бо истинод ба Вазорати нақлиёти ҷумҳурӣ иттилоъ медиҳад, ки чунин талабот мутобиқи Қарори Ҳукумати Ҷумҳурии Тоҷикистон аз 2 апрели соли 2024 дар доираи «Барномаи давлатии рушди нақлиёти барқӣ дар Ҷумҳурии Тоҷикистон барои солҳои 2023-2028» амалӣ шудааст.
Қаблан аз ҷониби Раиси шаҳри Душанбе муҳтарам Рустами Эмомалӣ «Консепсияи гузариш ба низоми барқӣ дар нақлиёти мусофиркашонии шаҳри Душанбе барои солҳои 2023-2026» ва қарор дар бораи то 1 сентябри соли 2025 пурра гузаштан ба хизматрасонии мусофирони таксӣ бо истифода аз нақлиёти барқӣ ба имзо расида буд.
Дар мавриди «додани имтиёзҳои иловагӣ ва дигар бартарият», «ташаккули маҷмуи тадбирҳо оид ба ҳавасмандгардонии рушди нақлиёти барқӣ» метавон додани нишонаҳои рақамии сабзро низ ба ҳамин қатор дохил кард. Ҳарчанд ин рақамҳо барои баланд бардоштани огоҳӣ дар бораи мошинҳои аз ҷиҳати экологӣ тоза дар роҳҳои мо ҷорӣ карда шудаанд, аммо азбаски муайян кардани чунин мошинҳо осон аст, рақамҳои сабз инчунин маънои онро хоҳанд дошт, ки давлат метавонад дар оянда ба ронандагон баъзе бартарияти дигар низ пешниҳод намояд.
Барои мисол, дар давлатҳои Иттиҳоди Аврупо ба мошинҳои барқӣ воридшавӣ ба хати ҳаракати автобусҳо, истифода аз таваққуфгоҳи арзонтар ва даромадан ба минтақаҳои аз ҷиҳати экологӣ тоза иҷозат дода шудааст.
Бори аввал 5-6 сол муқаддам мошинҳои дорои рақами сабз дар роҳҳои Чин ва Канада пайдо шуда буданд. Ҳоло таҷрибаи насби рақамҳои сабз дар мошинҳои барқӣ дар тамоми қитъаҳо – Осиё, Амрико, Аврупо ва Африқо ривоҷ ёфтааст.
АКС: Вазорати нақлиёти Ҷумҳурии Тоҷикистон
Дар Душанбе масъалаи рушди технологияҳои рақамӣ ва ҳифзи кӯдакон дар муҳити рақамӣ баррасӣ гардид
Корхонаи коркарди пахтаи ноҳияи Фархор баъд аз таъмир ба истифода дода шуд
РӮЗИ ҶАҲОНИИ ПАХТА. Як килограмм нахи пахта дар бозори ҷаҳонӣ ба 16 килограмм гандум баробар аст
«БАРНОМАИ РУШДИ САЙЁҲИИ ДОХИЛӢ». Дар Тоҷикистон беш аз 400 захираи сайёҳӣ, 1000 дара, 1000 кӯл ва мавзеъҳои дигари ҷолиб мавҷуд аст
Дурнамои рушди соҳаи сохтмони Тоҷикистон дар форуми байналмилалӣ дар Екатеринбург муаррифӣ гардид
Лоиҳаи «Дастрасӣ ба бозорҳо ва мутобиқшавӣ барои чорводорӣ» татбиқ мегардад
Дар Конфронси C5+1 SI дастовардҳои Тоҷикистон дар самти рушди зеҳни сунъӣ муаррифӣ шуданд
Коршиносони БОР соҳаи нақлиёт ва логистикаро яке аз муҳаррикони рушди иқтисодиёт арзёбӣ менамоянд
Байни Тоҷикистон ва палатаҳои савдою саноати кишварҳои ИДМ густариши робитаҳои тиҷоратӣ баррасӣ гардид
Барои фурӯши неруи барқ тавассути истгоҳҳои пуркунии воситаҳои нақлиёти барқӣ талаботи нав амалӣ гардид
ИСТИҚЛОЛИЯТИ ДАВЛАТӢ. То 1 октябр дар шаҳри Кӯлоб 493 иншооти истеҳсолию иҷтимоӣ ба истифода дода шудааст
Дар Минтақаи озоди иқтисодии «Кӯлоб» бинои гузаргоҳи гумрукӣ ва чоҳи амудӣ ба истифода дода шуд
