Ба 30 нафар занони ҳунарманду соҳибкор гранти Раиси вилояти Хатлон дода мешавад
ДУШАНБЕ, 11.08.2024 /АМИТ «Ховар»/. Имсол дар вилояти Хатлон ба 30 нафар занон гаранти Раиси вилояти Хатлон пешниҳод мегардад. Дар ин хусус АМИТ «Ховар» бо истинод ба хадамоти матбуоти Раиси вилояти Хатлон иттилоъ медиҳад.
Тавре Раиси вилояти Хатлон Давлаталӣ Саид 9 август зимни нишасти матбуотӣ иброз намуд, шумора ва ҳаҷми маблағи грантҳои раиси вилоят барои дастгирӣ ва рушди соҳибкории занон зиёд карда шуд. Ҳоло 30 нафар ғолибони гранти раиси вилоят аз ҳисоби соҳибкорзанони Хатлон бо дарёфти аз 15 то 25 ҳазор сомонӣ (ҷамъан 500 ҳазор сомонӣ) метавонанд лоиҳаҳои тиҷоратиашонро амалӣ намоянд.
То ин муддат ҳамасола 21 гранти раиси вилоят барои дастгирии соҳибкорзанони Хатлон ба маблағи умумии 250 ҳазор сомонӣ ҷудо мегардид.
Тибқи қарори Раиси вилояти Хатлон «Дар бораи таъсис ва ҷудо намудани грантҳои Раиси вилояти Хатлон оид ба дастгирӣ ва рушди фаъолияти соҳибкории занон барои солҳои 2021-2025», гранти раиси вилоят таъсис дода шудааст, ки ҳамасола ба занони ҳунарманду соҳибкор дода мешавад.
АКС: АМИТ «Ховар»








Лоиҳаи «Барномаи нави саноатикунонии босуръати Тоҷикистон барои солҳои 2026-2030» таҳия гардидааст
Масъалаҳои баргузории Форуми B5+1 дар Душанбе баррасӣ шуданд
Тоҷикистон ба Конвенсияи СММ оид ба мубориза бо биёбоншавӣ пешниҳод намуд, ки соли 2027 миссияи техникӣ ташкил карда шавад
Бо сабаби фаъолият накардани корхонаи «Хишти Тоҷикобод» сокинон ин масолеҳи сохтмониро аз Душанбе ва Ваҳдат бо роҳкирои гарон ворид менамоянд
Дар Минтақаи озоди иқтисодии «Ишкошим» ба маблағи беш аз 1 миллион сомонӣ кору хизматрасонӣ анҷом дода шуд
Дар доираи ҷаласаи 45-уми пленарии ГАО ҳамоиш баргузор гардид
Тоҷикистон барои мубориза бо тағйирёбии иқлим ва ҳифзи пиряхҳо иқдомҳои мушаххасро тақвият мебахшад
Душанбе мизбони конференсияи миллӣ ва Намоишгоҳи технологияҳои рақамӣ дар соҳаи кишоварзӣ мегардад
Тоҷикистон ва Озарбойҷон ҳамкориро дар соҳаи ҳифзи муҳити зист тақвият медиҳанд
Дар Душанбе ҷаласаи 45-уми пленарии ГАО оғоз шуд
Раванди татбиқи низоми электронии сертификатсияи фитосанитарӣ дар Тоҷикистон баррасӣ гардид
Ҳамкории Палатаи ҳисоби Тоҷикистон ва Додгоҳи ҳисоби Туркия густариш меёбад






