Бахшида ба Рӯзи варзишгарони Тоҷикистон дар ноҳияи Ёвон толори варзишӣ ифтитоҳ гардид
ДУШАНБЕ, 10.08.2024. /АМИТ «Ховар»/. Бахшида ба Рӯзи варзишгарони Тоҷикистон дар деҳаи Озодии Ҷамоати деҳоти ба номи Ҳасан Ҳусейнови ноҳияи Ёвон толори варзишӣ ба истифода дода шуд. Дар ин хусус ба АМИТ «Ховар» дар Мақомоти иҷроияи ҳокимияти давлатии ноҳияи Ёвон хабар доданд.
Ёдовар мешавем, ки тибқи Қонуни Ҷумҳурии Тоҷикистон «Дар бораи рӯзҳои ид» 10 август дар ҷумҳурӣ Рӯзи варзишгарони Тоҷикистон муқаррар шудааст. Мақсад аз таҷлили ин рӯз тарғиби тарзи ҳаёти солим, оммавияти варзиш ва ҷалби бештари наврасону ҷавонон ва аҳолии ҷумҳурӣ ба варзиш мебошад.
Зимни баистифодадиҳии иншооти варзишӣ дар ноҳияи Ёвон иттилоъ дода шуд, ки толор аз ҷониби шахсони саховатпеша ва аҳолии маҳал бо мақсади ҷалби ҷавонон ба варзиш ва ташаккули тарзи ҳаёти солим сохта шудааст. Раиси ноҳия бо ҳайати мураббиён ва тамринкунандагон суҳбат намуда, гуфт, ки ҳамаи ин шароит дар пайравӣ ба сиёсати ҷавонпарваронаи Пешвои миллат муҳтарам Эмомалӣ Раҳмон амалӣ мешавад.
Таъкид шуд, ки толори варзишӣ барои пешгирии ҳамроҳшавии ҷавонон ба ҳар гуна ҳизбу ҳаракатҳои ифротгароӣ сохта шудааст, то наврасону ҷавонон вақти холиашонро дар инҷо гузаронида, ба амалҳои номатлуб даст назананд.
АКС: Мақомоти иҷроияи ҳокимияти давлатии ноҳияи Ёвон
28 июл дар Кумитаи давлатии сармоягузорӣ ва идораи амволи давлатӣ ва Донишгоҳи технологӣ нишасти матбуотӣ баргузор мегардад
Имрӯз дар Тоҷикистон ҳаво то 40 дараҷа гарм мешавад
ХОРУҒ — БОҒШАҲРЕ ДАР ЛАБИ ДАРЁ. Тавсифи ин шаҳр аз нигоҳи Константин Симонов
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
