Дар арафаи ҷашни Истиқлоли давлатӣ сарбозони ятими кулл дар мавзеъҳои ҷолиби вилояти Суғд сайр намуданд
ДУШАНБЕ, 30.08.2024. /АМИТ «Ховар»/. Аз 27 то 29 август бахшида ба ҷашни Истиқлоли давлатӣ дар шаҳру ноҳияҳои Хуҷанд, Бӯстон, Гулистон ва Бобоҷон Ғафуров сарбозони ятими кулл аз ҳисоби қисмҳои ҳарбии шаҳру ноҳияҳои вилояти Суғд ба саёҳат баромаданд. Дар ин хусус ба АМИТ «Ховар» дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Дар доираи баргузории ҳамоиш суҳбату мулоқот, барномаҳои фарҳангию фароғатӣ ва саёҳат ба мавзеъҳои таърихӣ ташкил гардид.
Ҳадафи барномаю саёҳат аз баланд бардоштани ҳисси худшиносиву худогоҳӣ, таҳкими ҳувияти миллӣ, шиносоии хизматчиёни ҳарбӣ бо мавзеъҳои таърихию фарҳангӣ ва қадршиносии сарбозоне, ки дар сафи Артиши миллӣ хизмат менамоянд, иборат буд.
Дар суҳбат бо сарбозон намояндагони Кумитаи кор бо ҷавонон ва варзиши ҷумҳурӣ ва Вазорати мудофиаи Тоҷикистон иброз доштанд, ки ин иқдом дар ҳошияи ғамхориҳои пайвастаи Асосгузори сулҳу ваҳдати миллӣ-Пешвои миллат, Президенти Тоҷикистон муҳтарам Эмомалӣ Раҳмон ташкил гардид. Пешвои миллат ба насли ояндасози мамлакат умеду боварӣ доранд ва аз ҷумла, зимни яке аз суханрониҳо иброз намуданд, ки «мо бо ҷавонони мамлакати худ ифтихор дорем, зеро онҳо дар рушди давлат ва ободии Ватан фаъолона саҳм мегузоранд, марзу буми сарзамини аҷдодиро ҳимоя мекунанд, ватандӯсту ватанпараст, бонангу номусанд ва ба халқу давлати Тоҷикистон содиқ мебошанд».
Дар доираи ҳамоиш сарбозон «Қасри Арбоб»-и ноҳияи Бобоҷон Ғафуров, Осорхонаи ҷумҳуриявии академик Бобоҷон Ғафуров, осоишгоҳи табобатии «Баҳористон» ва дигар ҷойҳои фарҳангиву таърихиро тамошо намуданд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
Имрӯз дар қисми зиёди ноҳияҳои Тоҷикистон омадани сел дар назар аст
