Дар Қатар ифтитоҳи парвозҳои мустақими ҳавоӣ байни шаҳрҳои Душанбе ва Давҳа баррасӣ шуд
![](https://khovar.tj/wp-content/uploads/2024/08/Dar-atar-iftito-i-parvoz-oi-musta-imi-avo-bajni-sha-r-oi-Dushanbe-va-Dav-a-barras-shud.jpg)
ДУШАНБЕ, 15.08.2024. /АМИТ «Ховар»/. Ифтитоҳи парвозҳои мустақими ҳавоӣ байни шаҳрҳои Душанбе ва Давҳа 14 август зимни мулоқоти Сафири Фавқулода ва Мухтори Ҷумҳурии Тоҷикистон дар Давлати Қатар Нурмурод Маҳмадалӣ бо директори генералии Ширкати ҳавопаймоии хатсайрҳои қатарӣ (Qatar Airways Group) Бадр Муҳаммад Ал-Мир баррасӣ шуд. Дар ин хусус ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Зимни мулоқот масъалаҳои рушди минбаъдаи ҳамкории дуҷониба ва истифодаи самараноки имконияти сайёҳии ду давлат низ муҳокима гардид.
АКС: Вазорати корҳои хориҷии Ҷумҳурии Тоҷикистон