Дар деҳаи Дашти ноҳияи Ишкошим бунёди хонаҳо барои зарардидагон оғоз ёфт
ХОРУҒ, 14.08.2024 /АМИТ «Ховар»/. Барои сокинони деҳаи Зугванди Ҷамоати деҳоти Зонги ноҳияи Ишкошим, ки бар асари омадани сел манзилҳояшон пурра вайрон шуда буд, дар деҳаи Дашти Ҷамоати деҳоти Ишкошим қитъаи замин барои бунёди хонаи истиқоматӣ ҷудо гардид, хабар медиҳад хабарнигори минтақавии АМИТ «Ховар» Файз Мирасан.
Раиси Вилояти Мухтори Кӯҳистони Бадахшон Алишер Мирзонабот зимни нишасти хабарӣ аз оғози бунёди хонаҳои истиқоматӣ барои зарардидагони сел иттилоъ расонида, изҳор дошт, ки барои сари вақт ва бо сифати хуб ба истифода додани ин хонаҳо нахустин корвони кумакҳои Пешвои миллат иборат аз масолеҳи сохтмонӣ ба маҳали сохтмон расид.
Ҳамчунин ба сокинони деҳаи Зугванд, ки хонаҳояшон қисман зарар дида буданд, маводи мавриди ниёзи аввал ва барои таъмири хонаҳояшон масолеҳи сохтмонӣ дастрас гардид. Ҳоло таҳкурсии 8 хона гузошта шуда, рӯзҳои наздик таҳкурсии боз панҷ хонаи дигар гузошта мешавад.
Бар асари омадани сел дар деҳаи Зугванди ин ноҳия 13 хона пурра вайрон гашт. Бо хоҳиши зарардидагон, онҳо ба деҳаи Дашт, ки ҳамагӣ 3 километр аз маркази ноҳия дур аст, кӯчонида мешаванд. Мутобиқи нақша, ин хонаҳои истиқоматӣ қабл аз фарорасии фасли сармо ба истифода дода шуда, бо тамоми таҷҳизот ва асбобу анҷоми зарурии рӯзгор таъмин мегарданд.
Бояд гуфт, ки дар натиҷаи ин офати табиӣ 13 хона пурра зери сел монда, 13 хона қисман ва 13 хонаи дигар зарари сабук диданд. Сенздаҳ оилае, ки сел хонаҳояшонро пурра хароб кардааст, ба истироҳатгоҳи «Шабдез»-и ноҳияи Роштқалъа кӯчонида шуда, барояшон шароити мусоиди зиндагӣ фароҳам оварда шудааст.
АКС:АМИТ «Ховар»
Дар канори роҳи Душанбе–Чанок корҳои соҳилмустаҳкамкунӣ идома доранд
Оид ба нақши занон дар низоми адолати судӣ конфронси байналмилалӣ баргузор шуд
НИШАСТИ МАТБУОТӢ. Ваколатдор оид ба ҳуқуқи инсон лоиҳаи 37 санади меъёрии ҳуқуқиро мавриди омӯзиш қарор додааст
Бунафша Файзиддинзода: «Бо вуҷуди коҳиши бекоршавии ақди никоҳ ҳалли ин масъала таваҷҷуҳи доимиро тақозо мекунад»
ОГОҲӢ! Аз 16 то 19 июл дар Тоҷикистон баландшавии ҳарорати ҳаво пешгӯӣ мешавад
НИШАСТИ МАТБУОТӢ. Барои дарёфти гранти Президенти Тоҷикистон дар соли 2026 аз ҷониби занон 945 лоиҳа пешниҳод шудааст
ЭҲТИЁТ АЗ НУРҲОИ БАЛАНДИ ОФТОБ! Ҳангоми гармои шадид саломатиро чӣ тавр бояд ҳифз намуд?
Дар «Чангоб» 220 нафар кӯдакони ятими кулл, нимятим ва аз оилаҳои камбизоат ба истироҳат фаро гирифта шудаанд
НИШАСТИ МАТБУОТӢ. «Тоҷиксуғурта» ба шаҳрвандон ва ташкилот беш аз 1,1 миллион сомонӣ ҷуброни суғуртавӣ пардохт намуд
Президенти Тоҷикистон: «Сифати таҳияи лоиҳаи санадҳои меъёрии ҳуқуқӣ ҳанӯз ба талабот пурра ҷавобгӯ нест»
Муассисаҳои таҳсилоти ибтидоии касбӣ пурра бо китобҳои дарсӣ таъмин мебошанд
Дар Душанбе беш аз 13 ҳазор нафар ба сафи Ҳизби Халқии Демократии Тоҷикистон қабул гардиданд
