Дар Донишкадаи тиббӣ-иҷтимоии Тоҷикистон 67 донишҷӯи хориҷӣ таҳсил менамояд
ДУШАНБЕ, 10.08.2024. /АМИТ «Ховар»/. Дар Донишкадаи тиббӣ-иҷтимоии Тоҷикистон 67 донишҷӯи хориҷӣ таҳсил дорад, ки аз ҷумҳуриҳои Узбекистон, Афғонистон, Ҳиндустон, Покистон, Бангладеш, Малайзия ва Нигерия мебошанд. Ин шумора нисбат ба соли 2023 33 нафар зиёд мебошад. Дар ин хусус ректори донишкада Зарина Ибодзода 8 август зимни нишасти матбуотӣ ба хабарнигорон иттилоъ дод.
Теъдоди донишҷӯёни донишкада дар айни замон 2461 нафар мебошад, ки нисбат ба шашмоҳаи соли 2023 713 нафар зиёд аст.
Дар Донишкадаи тиббӣ-иҷтимоии Тоҷикистон аз рӯи 5 ихтисос- «Психологияи тиббӣ», «Кори табобатӣ», «Кори иҷтимоӣ» (фаъолияти иҷтимоӣ-тиббӣ-психологӣ), «Стоматологӣ» ва «Фармасевтӣ» мутахассисони соҳаи тиб ва иҷтимоӣ дар зинаи таҳсили олии касбӣ омода мегарданд.
Зимни нишасти матбуотӣ ба хабарнигорон иттилоъ дода шуд, ки донишкада бо 12 муассисаи таҳсилоти олии хориҷӣ ҳамкории дуҷониба дар самти таҳсил, корҳои илмӣ-таҳқиқотӣ, табодули таҷрибаи донишҷӯён, ҳайати профессорону омӯзгорон ва дигар самтҳои соҳаи тибро амалӣ намудааст. Аз ҷумла, моҳи январи соли 2024 раёсати донишкада бо намояндагони давлатҳои Миср, Австралия ва Бангладеш барои вусъат додани ҳамкории тарафайн вохӯрӣ намуд.
Зарангези ЛАТИФ,
АМИТ «Ховар»
АКС: АМИТ «Ховар»
Пешвои миллат: «Бе донистани забони адабии тоҷикӣ омӯхтани забонҳои хориҷӣ номумкин аст»
Дар Душанбе доир ба саҳми Пешвои миллат дар рушди забони тоҷикӣ ҳамоиш баргузор шуд
«ЗЕҲНИ СУНЪӢ–ЭЪТИМОД, АМНИЯТ ВА РУШД». Дар Донишгоҳи технологии Тоҷикистон конфронси байналмилалӣ доир шуд
«ЗАБОНИ МИЛЛАТ-ҲАСТИИ МИЛЛАТ». Дар Донишкадаи омӯзгории Тоҷикистон дар Рашт ҳамоиши илмӣ доир гардид
Раҳим Саидзода: «Омӯзгор бо таълиму тарбияи насли наврас дар ташаккули неруи зеҳнӣ ва маънавии ҷомеа саҳм мегузорад»
МУАЛЛИМ–АҚЛ, ШАРАФ ВА ВИҶДОНИ ҶОМЕА. Иқтибосҳо аз суханрониҳои Президенти Тоҷикистон муҳтарам Эмомалӣ Раҳмон
«ЗАБОН ДОНӢ-ҶАҲОН ДОНӢ». Дар Донишгоҳи байналмилалии забонҳои хориҷии Тоҷикистон Озмуни байналмилалии донишҷӯён ҷамъбаст шуд
Дар ноҳияи Ванҷ Литсейи касбии техникӣ сохта мешавад
Имрӯз бахшида ба Рӯзи омӯзгорон ҳамоиши тантанавӣ баргузор гардид
Эмомалӣ Раҳмон: «Мо ба неруи созандаи аҳли маориф, таҷрибаи устодони рӯзгордида ва талошҳои омӯзгорони ҷавон эътимоди қавӣ дорем»
Донишгоҳи байналмилалии сайёҳӣ ва соҳибкории Тоҷикистон дар рейтинги GreenMetric World University Rankings 2026 ба натиҷаи бесобиқа ноил гардид
Донишгоҳи техникии Тоҷикистон ба раддабандии ҷаҳонии донишгоҳҳои сабз дохил гардид
