Дар ноҳияи Шаҳритус машғулияти илмӣ-амалии ҷумҳуриявӣ доир гардид
ДУШАНБЕ, 27.08.2024 /АМИТ «Ховар»/. 26 август дар ноҳияи Шаҳритус таҳти унвони «Кишти такрорӣ – омили фаровонҳосилӣ» машғулияти илмӣ-амалии ҷумҳуриявӣ баргузор гардид, иттилоъ доданд ба АМИТ «Ховар» дар Вазорати кишоварзии мамлакат.
Зимни ифтитоҳи машғулият муовини Сарвазири Ҷумҳурии Тоҷикистон Сулаймон Зиёзода иброз намуд, ки таъмини амнияти озуқавории аҳолӣ муҳимтарин ҳадафи стратегии Ҳукумати Ҷумҳурии Тоҷикистон ва воситаи асосии баланд бардоштани сатҳи некӯаҳволии мардум маҳсуб мешавад. Барои таъмини амнияти озуқаворӣ ва истифодаи оқилонаву самараноки замин кишоварзон имсол майдони кишти такрориро дар мамлакат бештар намудаанд.
Ҳамчунин дар доираи машғулияти илмӣ-амалии ҷумҳуриявӣ иштирокдорон аз тамоми шаҳру ноҳияҳои ҷумҳурӣ бо таҷрибаи кишти такрорӣ ва корҳои агротехникии зироат дар хоҷагиҳои шаҳру ноҳияҳои Дӯстӣ, Қубодиён, Носири Хусрав ва Шаҳритус аз наздик шинос шуданд.
Дар ҷараёни машғулият доир ба технологияи парвариш, истифодаи технологияҳои муосир, агротехникаи парвариш, самаранокии иқтисодӣ, пешгирии касалиҳо, баланд бардоштани ҳосилнокӣ ва дигар масъалаҳои марбут ба илм ва татбиқи он дар истеҳсолот мубодилаи афкор доир шуд.
АКС: Вазорати кишоварзии Ҷумҳурии Тоҷикистон
28 июл дар Кумитаи давлатии сармоягузорӣ ва идораи амволи давлатӣ ва Донишгоҳи технологӣ нишасти матбуотӣ баргузор мегардад
Имрӯз дар Тоҷикистон ҳаво то 40 дараҷа гарм мешавад
ХОРУҒ — БОҒШАҲРЕ ДАР ЛАБИ ДАРЁ. Тавсифи ин шаҳр аз нигоҳи Константин Симонов
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
