Дар шаҳри Душанбе Озмуни ҷумҳуриявии «Фурӯғи субҳи доноӣ китоб аст» идома дорад
ДУШАНБЕ, 17.08.2024. /АМИТ «Ховар»/. Дар Муассисаи давлатии «Маркази кӯдакон ва наврасони шаҳри Душанбе» даври сеюми Озмуни ҷумҳуриявии «Фурӯғи субҳи доноӣ китоб аст» идома дорад. Дар он хонандагони муассисаҳои таҳсилоти миёнаи умумӣ иштирок намуда, байни ҳам сабқат намуданд, иттилоъ медиҳад АМИТ «Ховар».
Ҳадафи асосии баргузории озмун, пеш аз ҳама, баланд бардоштани завқи китобхонӣ, дарёфти чеҳраҳои нави суханвару сухандон, арҷ гузоштан ба арзишҳои миллию фарҳангӣ ва инкишофи қобилияти эҷодӣ, таҳкими эҳсоси худшиносӣ, ғанӣ гардонидани захираи луғавӣ, тақвияти ҷаҳони маънавӣ ва баландгардонии доираи забондонӣ байни қишрҳои мухталифи ҷомеа, аз ҷумла хонандагону донишҷӯёни ҳамаи зинаҳои таҳсил ва шаҳрвандони мамлакат мебошад.
Баргузории он ба васеъ намудани ҷаҳонбинӣ, огоҳӣ аз таъриху тамаддун ва дуруст ба роҳ мондани муоширату муносибати аҳли ҷомеа равона гардидааст.
Тавре корманди Вазорати маориф ва илми Ҷумҳурии Тоҷикистон Ҷалолиддин Амиров иброз дошт, ба шарофати ин озмун солҳои охир тамоми шаҳрвандони мамлакат китобхон гардида, имрӯзҳо тамоми китобхонаҳо пур аз хонанда аст, ҳатто дар ҳар хонадон аҳли хонавода китобхон шудаанд. «Онҳо сарҷамъ шуда, китоберо варақгардон карда, атрофи он бо ҳам соатҳо суҳбат мекунанд, ки нишони соҳибмаърифатии ҷомеа аст. Тавре дар озмун мушоҳида намудем, имрӯз иштирокчиёни хурдсол низ бо тайёрии ҷиддӣ омадаанд, бисёре аз онҳо новобаста ба синну соли хурдиашон аллакай 200 китоби бачагона ва 1000 байтро аз худ кардаанд, ки натиҷаи чунин мутолиа ба пешрафти соҳаи адабиёт ва илму фарҳанг мусоидат мекунад», -гуфт ӯ.
Хонандаи синфи 4-и Муассисаи давлатии таълимии «Гимназияи №4 барои хонандагони болаёқат»-и шаҳри Душанбе Омина Сафарова дар озмун аз рӯи номинатсияи «Адабиёти классикии тоҷик» иштирок намудааст. Аз синни хурдӣ ба хондани шеъру достон шавқу рағбати зиёд дорад. Тавре ӯ иброз дошт, барои озмун 70 ғазал, 80 рубоӣ, 50 байту қасида, 100 байт аз достонҳоро аз бар намуда, китобҳои бадеии зиёде низ мутолиа намудааст. Ба ҳамсолони худ тавсия медиҳад, ки вақти пурқимати худро беҳуда сарф накарда, ба мутолиаи китоб машғул шаванд. Зеро китоб роҳнамою раҳкушо дар зиндагии ҳар шахс ба ҳисоб меравад.
Зарангези ЛАТИФ,
АМИТ «Ховар»
АКС: Муассисаи давлатии «Маркази кӯдакон ва наврасони шаҳри Душанбе»
Бахшида ба Рӯзи байналмилалии ҳифзи кӯдакон дар шаҳри Душанбе ҳамоиш доир гардид
Доир ба Конвенсияи Ромсар ва аҳамияти байналмилалии он нишасти илмӣ баргузор гардид
«ИЛМ — ФУРӮҒИ МАЪРИФАТ». Дар шаҳри Бӯстон даври шаҳрии озмуни ҷумҳуриявӣ баргузор гардид
Таъсиси Ҷоизаи байналмилалии Абӯалӣ ибни Сино дар соҳаи тиб — заминаи густариши илми тиб, муаррифии шахсият ва осори тоҷикон дар арсаи ҷаҳон
Доир ба нақши Президенти Тоҷикистон дар гиромидошти қаҳрамонони миллат ҳамоиш баргузор шуд
Дар Душанбе масъалаҳои рушди соҳаи илму маориф бо ректори Донишгоҳи СММ баррасӣ гардид
Дар даври шаҳрии Озмуни ҷумҳуриявии «Илм — фурӯғи маърифат» дар Ҳисор беш аз 1400 довталаб маҳорат месанҷанд
Коршиносони хориҷӣ нақши Тоҷикистонро чун давлати ташаббускор дар ҳалли масъалаҳои глобалии обу иқлим назаррас арзёбӣ намуданд
Ҳамкории Донишгоҳи байналмилалии сайёҳӣ ва соҳибкории Тоҷикистон бо Донишгоҳи СММ тақвият меёбад
Дар Донишгоҳи байналмилалии сайёҳӣ ва соҳибкории Тоҷикистон олимпиадаи ҷумҳуриявӣ ҷамъбаст шуд
Дар ноҳияи Рӯдакӣ даври ноҳиявии Озмуни ҷумҳуриявии «Илм — фурӯғи маърифат» оғоз шуд
ИҚДОМИ ТАЪРИХИИ ПЕШВОИ МИЛЛАТ. Он насли наврасро водор месозад, ки аз қаҳрамонии гузаштагон сабақи зиндагӣ гиранд
