«ФУРӮҒИ СУБҲИ ДОНОӢ КИТОБ АСТ». Муовини Сарвазири Тоҷикистон бо раванди баргузории даври сеюми озмун дар шаҳри Душанбе шинос шуд
ДУШАНБЕ, 21.08.2024. /АМИТ «Ховар»/. Имрӯз муовини Сарвазири Ҷумҳурии Тоҷикистон, Раиси комиссияи Озмуни ҷумҳуриявии «Фурӯғи субҳи доноӣ китоб аст» Дилрабо Мансурӣ бо раванди баргузории даври сеюми озмун дар шаҳри Душанбе, ки дар Муассисаи давлатии «Маркази кӯдакон ва наврасони шаҳри Душанбе» идома дорад, шинос шуд. Дар ин хусус ба АМИТ «Ховар» дар Маркази кӯдакон ва наврасони шаҳри Душанбе хабар доданд.
Муовини Сарвазири Тоҷикистон зимни суҳбат бо иштирокчиёни озмун ва ҳайати ҳакамон аз ташаббусҳои беназири Пешвои миллат муҳтарам Эмомалӣ Раҳмон барои эълон доштани силсилаозмунҳои ҷумҳуриявӣ ёдовар шуда, иброз дошт, ки ҳадаф аз баргузории озмунҳо баланд бардоштани маънавиёти ҷомеа, шинохти асли хеш ва дарёфти чеҳраҳои дурахшони илму маърифат аст.
Ба иштирокчиёни озмун тавсия дода шуд, ки бо истифода аз фурсати муносиб бештару беҳтар хонанд, аз навигариҳои илмҳои муосир огаҳ бошанд ва барои забономӯзӣ кӯшиш намоянд. Ҳайати ҳакамон даъват шуданд, ки зимни санҷиши дониш, маҳорат ва истеъдоди довталабон ба хатогӣ роҳ надиҳанд ва бо довталабон муомилаи хуш намуда, то ба охир онҳоро шунаванд ва дар кадом сатҳ омода будани онҳоро муайян намоянд. Таъмини шаффофият ва адолат бояд шеваи кори ҳайати ҳакамон бошад.
Дар идома Дилрабо Мансурӣ бо волидайни чанд иштирокдори озмун суҳбат карда, ба падару модарон барои тарбияи дурусти фарзандон изҳори сипос намуд ва аз онҳо даъват ба амал овард, ки минбаъд низ барои тарбияи дурусти фарзандон саъю талош намоянд.
Чанде аз волидон ба Роҳбари фарҳангпарвару маърифатдӯсти мамлакат изҳори сипос намуда, баён доштанд, ки фарзандонро чун пайрави асили Пешвои миллат тарбия мекунанд.
Ба масъулини баргузории чорабинӣ дастур дода шуд, ки ҳар баромади иштирокчиён пурра ба навор гирифта шуда, ҳайати кории комиссияи аппелятсионӣ корашонро шаффоф ва боадолатона анҷом диҳад. Дар озмун танҳо онҳое ғолиб оянд, ки воқеан ҳам дониши баланд ва ҷаҳонбинии васеъ дошта бошанд.
Ёдовар мешавем, ки даври сеюми озмуни ҷумҳуриявӣ то 25 август идома меёбад.
АКС: Муассисаи давлатии «Маркази кӯдакон ва наврасони шаҳри Душанбе»
Дар Донишгоҳи давлатии Кӯлоб ба ифтихори 35-солагии Истиқлоли давлатӣ ҳамоиши тантанавӣ доир шуд
Байни Донишгоҳи байналмилалии забонҳои хориҷии Тоҷикистон ва Донишгоҳи Вестминстер Ёддошти тафоҳум ба имзо расид
Кормандони Донишгоҳи миллии Тоҷикистон бо мукофотҳои давлатӣ сарфароз гардиданд
Дар Донишгоҳи байналмилалии сайёҳӣ ва соҳибкории Тоҷикистон маросими супоридани мукофотҳои давлатӣ баргузор шуд
Оид ба дастовардҳои илмии Тоҷикистон дар солҳои соҳибистиқлолӣ ҳамоиш доир шуд
«Барномаи давлатии такмили таълим ва омӯзиши забонҳои русӣ ва англисӣ барои давраи то соли 2030» баррасӣ гардид
Панҷ нуктаи омӯзанда аз Рӯзи дониш ва Дарси сулҳ бо паёми Президенти Тоҷикистон
Дар Донишгоҳи аграрии Тоҷикистон синфхонаи замонавӣ барои донишҷӯён ба истифода дода шуд
Президенти Фонди ОПЕК оид ба рушди байналмилалӣ бо имконоти Донишгоҳи байналмилалии сайёҳӣ ва соҳибкории Тоҷикистон шинос гардид
Муҳаққиқи ҷавони тоҷик Омина Холиқзода дар Чин соҳиби медалҳои тилло ва нуқра гардид
Пешвои миллат Эмомалӣ Раҳмон дар шаҳри Душанбе Муассисаи таълимии ғайридавлатии таҳсилоти миёнаи умумии «Имкон»-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
