Хадамоти иҷро: «854 нафар қарздорон сарҳади ҷумҳуриро убур карда натавониста, маблағи қарзро пардохт карданд»
ДУШАНБЕ, 05.08.2024 /АМИТ «Ховар»/. Бо дастрасии моддаи 47-и Қонуни Ҷумҳурии Тоҷикистон «Дар бораи истеҳсолоти иҷро» ҷиҳати баромада нарафтани қарздорон аз ҳудуди мамлакат нисбат ба 1768 нафар қарздорон маҳдудият гузошта шудааст. Амали мазкур натиҷаҳои мусбӣ нишон дода, 854 нафар қарздорон сарҳади ҷумҳуриро убур карда натавониста, маблағҳои бо ҳуҷҷатҳои иҷро таъингардидаро ба андозаи 9 миллону 13 ҳазору 290 сомонӣ пардохт намуданд, ки назар ба соли 2023 ба маблағи 1 миллону 412 ҳазору 444 сомонӣ зиёд мебошад. Дар ин хусус дар нишасти матбуотии Хадамоти иҷрои назди Ҳукумати Ҷумҳурии Тоҷикистон оид ба фаъолият дар нимсолаи якуми соли 2024 иттилоъ дода шуд.
Дар нишасти матбуотӣ ҳамчунин иброз гардид, ки барои напардохтани маблағҳои қарзӣ 651 шахсони воқеӣ ва 27 шахсони ҳуқуқӣ ба Феҳристи ягонаи давлатии қарздорон ворид карда шудаанд.
«Дар нимсолаи якуми соли 2024 ба Хадамоти иҷро 5376 (2023 – 5 612) ҳуҷҷати иҷро оид ба ситонидани маблағи алимент ворид гардида, аз солҳои пешин дар маҷмӯъ 98 693 адад ҳуҷҷатҳои иҷро вобаста ба ситонидани маблағи алимент дар баррасии иҷрочиён мавриди иҷро қарор дорад. Аз ҷониби иҷрочиён ба манфиати модару кӯдак зиёда аз 21 миллону 425 ҳазору 515 сомонӣ рўёнида шудааст, ки назар ба ҳамин давраи соли сипаришуда 1 миллиону 425 ҳазору 742 сомонӣ зиёд мебошад», -иттилоъ дода шуд дар нишаст.
Ҳамчунин таъкид гардид, ки бинобар бадқасдона саркашӣ намудани қарздорон аз пардохти маблағи алимент бо пешниҳоди иҷрочиён нисбат ба 128 қарздорон тибқи талаботи моддаи 177 –и Кодекси ҷиноятии Ҷумҳурии Тоҷикистон аз ҷониби мақомоти прокуратура парвандаҳои ҷиноятӣ оғоз гардидааст. Нисбат ба 418 нафар қарздорон барои сари вақт напардохтани маблағи алимент ва пинҳон кардани суроғаи ҷои зисташон аз ҷониби иҷрочиёни мақомоти иҷро бо қабули қарорҳои дахлдор кофтуков эълон гардида, барои ҷустуҷӯ ба шуъбаҳои Вазорати корҳои дохилии Ҷумҳурии Тоҷикистон дар шаҳру ноҳияҳои ҷумҳурӣ ирсол шудааст.
Рухсораи НУР,
АМИТ «Ховар»
АКС: АМИТ «Ховар»
Ҳайати Тоҷикистон дар ҷаласаи Шурои роҳбарони мақомоти муҳоҷиратии давлатҳои аъзои ИДМ иштирок намуд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
ПУРСИДЕД, ҶАВОБ МЕДИҲЕМ. Ҳангоми интиқоли маблағ ба кортҳои шахсони ношинос ба чӣ бояд диққат дод?
Дар Алмато платформаи миллии рақамии тандурустии Тоҷикистон муаррифӣ гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
Оид ба дурнамои дӯстӣ ва шарикии стратегии Тоҷикистону Туркманистон конфронси байналмилалӣ доир гардид
Мавзеи Аксикони ноҳияи Ашт бо кӯли дорои лойи табиии шифобахш ва табиати нотакрор маъруф аст
Мактаб, оила ва ҷомеа — се неруе, ки бояд иттиҳоди ҳамешагӣ дошта бошанд
20 СЕНТЯБР — РӮЗИ ҶАҲОНИИ ТОЗАГӢ. Маданияти шаҳрнишиниро риоя бояд кард!
Ҷавонони Тоҷикистон дар Фестивали байналмилалии ҷавонон-2026 дар Екатеринбург иштирок намуданд
Дар Душанбе «Стратегияи ҳифзи саломатии аҳолии Ҷумҳурии Тоҷикистон барои давраи то соли 2030» баррасӣ шуд
Дар Тоҷикистон Озмуни ҷумҳуриявии «Табиби сол – 2026» ҷамъбаст гардид
