ИСТИҚЛОЛИЯТ ВА ҲУВИЯТИ МИЛЛИИ ҶАВОНОН. Дар ноҳияи Бобоҷон Ғафуров бахшида ба Рӯзи байналмилалии ҷавонон ҳамоиш доир гардид
ДУШАНБЕ, 08.08.2024. /АМИТ «Ховар»/. Дар ноҳияи Бобоҷон Ғафурови вилояти Суғд ба истиқболи 33-солагии Истиқлоли давлатии Ҷумҳурии Тоҷикистон ва Рӯзи байналмилалии ҷавонон (12 август) ҳамоиш баргузор гардид. Дар ин хусус ба АМИТ «Ховар» дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Зимни ҳамоиш масъулини Кумитаи кор бо ҷавонон ва варзиши назди Ҳукумати Ҷумҳурии Тоҷикистон аз дастовардҳои ҷавонон дар солҳои соҳибистиқлолии мамлакат ёдовар шуда, иброз доштанд, ки бо таваҷҷуҳи хосса ва ғамхориҳои ҳамешагии Пешвои ҷавонпарвари миллат муҳтарам Эмомалӣ Раҳмон барои ҷавонон шароити созгори пешбурди фаъолият ва таъмини зиндагии шоиста, донишгоҳу донишкада, муассисаҳои таълимию касбомӯзӣ, китобхонаҳо, боғҳои фарҳангу фароғатӣ ва толору майдончаҳои варзишӣ сохта, ба истифода дода шудаанд.
Дар Тоҷикистон барои дастгирии иҷтимоии ҷавонон ва боло бурдани ҳисси ватандӯстии онҳо корҳои назаррас ба сомон расонида мешаванд.
Ҳамчунин бо мақсади фароҳам овардани шароити мусоиди таъсиркунанда барои тарбияи маънавию ҷисмонии ҷавонон, инкишофи ҳисси ватандӯстӣ ва муҳаббати онҳо дар руҳияи ватандӯстӣ, маърифатнокӣ, худогоҳӣ, инсондӯстӣ, ифтихор ва арҷгузорӣ ба арзишҳои миллӣ, эмин нигоҳ доштани насли ҷавон аз таҳдидҳои замони муосир «Барномаи давлатии тарбияи ватандӯстӣ, эҳсоси масъулияти шаҳрвандӣ ва таҳкими ҳувияти миллии ҷавонони Тоҷикистон барои солҳои 2023-2027» дар сатҳи ҷумҳурӣ ва маҳал амалӣ мегардад.
Баҳри амалишавии 10 самти афзалиятноки сиёсати давлатии кор бо ҷавонон, ки аз Қонуни Ҷумҳурии Тоҷикистон «Дар бораи ҷавонон ва сиёсати давлатии ҷавонон» бармеояд, «Барномаи миллии рушди иҷтимоии ҷавонон дар Ҷумҳурии Тоҷикистон барои солҳои 2022 – 2026» дар сатҳи ҷумҳурӣ ва маҳал амалӣ мешавад. Дар заминаи ин барнома аз ҷониби мақомоти иҷроияи ҳокимияти давлатии вилоятҳо ва шаҳру ноҳияҳои ҷумҳурӣ барномаҳои маҳаллии рушди иҷтимоии ҷавонон қабул ва татбиқ мегарданд.
Ҷавонон бояд дар ҷавоб ба ин ҳама ғамхориҳо касбу донишҳои замонавиро аз бар намуда, дар таҳким бахшидани Истиқлоли давлатӣ саҳми муносиб гузоранд. Зеро кулли дастовардҳои мо аз ин неъмати гаронарзиш сарчашма мегирад.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Ваколатдор оид ба ҳуқуқи инсон дар Тоҷикистон дар конфронси сатҳи баланд дар Рим сухан гуфт
Саҳми таърихии тоҷикон дар ташаккули фарҳанг ва тамаддуни исломӣ. Дар Душанбе конфронси байналмилалӣ оғоз гардид
Дар замони соҳибистиқлолии Тоҷикистон беш аз 250 ҳазор духтарон муассисаҳои таҳсилоти олиро хатм намуданд
Дар Душанбе ҷаласаи 35-уми Шурои байнидавлатии обуҳавошиносии Иттиҳоди Давлатҳои Мустақил доир гардид
Президенти Тоҷикистон: «Дар 15 соли охир барои сокинони эҳтиёҷманди ноҳияи Лахш 172 гектар замини наздиҳавлигӣ ҷудо гардидааст»
Бинои маъмурии Кумитаи иҷроияи Ҳизби Халқии Демократии Тоҷикистон дар ноҳияи Варзоб ифтитоҳ шуд
СОЛИ МАЪРИФАТИ ҲУҚУҚӢ. Конститутсия ҳамчун ҳуҷҷати муҳим арзишҳои асосии ҷомеа ва давлатро дар бар мегирад
Дар бархе муассисаҳои тандурустии вилояти Хатлон норасоии таҷҳизоти муосири тиббӣ ба назар мерасад
Муассисаҳои тандурустии вилояти Суғд баъд аз таъмир мавриди истифода қарор гирифтанд
Табиби тоҷик Сурайё Шукурова соҳиби ҷоизаи ҷаҳонӣ гардид
Пешвои миллат: «Тамоми имконияту захираҳо барои баланд бардоштани сатҳу сифати зиндагии мардуми мамлакат сафарбар карда шуданд»
Дар Коллеҷи техникии Тоҷикистон 33-солагии Истиқлолияти давлатиро таҷлил намуданд
