Комиссияи олии аттестатсионӣ: «Соли равон расмиёти азнавбақайдгирии маҷаллаҳои илмӣ гузаронида шуд»
ДУШАНБЕ, 06.08.2024 /АМИТ «Ховар»/. Имсол бо мақсади истифодаи таҷрибаи муассисаҳои пешсаф ҷиҳати ворид намудани маҷаллаҳои илмӣ, махзанҳои байналмилалии реферативӣ ва низомҳои иқтибосоварӣ ва дақиқ намудани ихтисосҳо расмиёти азнавбақайдгирии маҷаллаҳои илмӣ гузаронида шуд. Алҳол 21 маҷаллаи илмӣ аз нав ба қайд гирифта шуда, се маҷаллаи илмӣ -«Ахбори АМИТ. Шуъбаи илмҳои ҷамъиятшиносии АМИТ», «Паёми Донишгоҳи омӯзгорӣ»-и Донишгоҳи давлатии омӯзгории Тоҷикистон ба номи Садриддин Айнӣ ва «Тоҷикистон ва ҷаҳони имрӯз»-и Маркази тадқиқоти стратегии назди Президенти Ҷумҳурии Тоҷикистон аз Феҳристи маҷаллаҳои (нашрияҳои) илмии тақризшавандаи Ҷумҳурии Тоҷикистон хориҷ карда шуданд. Маҷаллаи илмии Education. Quality Assurance-и Агентии мустақили аккредитатсия ва рейтинг ба Феҳристи мазкур ворид карда шуд. Дар ин хусус 5 август зимни нишасти матбуотии Комиссияи олии аттестатсионии назди Президенти Ҷумҳурии Тоҷикистон иттилоъ дода шуд.
Дар нишасти матбуотӣ иброз гардид, ки яке аз самтҳои муҳимми фаъолияти Комиссия таҳияи Феҳрист ва мониторинги маҷаллаҳои (нашрияҳои) илмии тақризшавандаи Ҷумҳурии Тоҷикистон мебошад, ки дар онҳо натиҷаҳои асосии таҳқиқоти диссертатсионӣ аз рӯйи самти омода кардани докторони фалсафа (PhD) — доктор аз рӯйи ихтисос, номзадҳои илм ва докторҳои илм ба чоп расонида мешаванд.
«Аз ибтидои фаъолият то давраи ҳисоботӣ ба Комиссия барои шомил намудан ба Феҳристи маҷаллаҳои илмии тақризшавандаи Ҷумҳурии Тоҷикистон 59 дархост ворид гардида, 49-тои он тасдиқ, 9 дархости дигар рад ва 1 дархости дигар мавриди омӯзиш қарор дорад»,-иттилоъ дода шуд дар нишаст.
Масъулин иброз доштанд, ки бо мақсади санҷиши мутобиқати маҷаллаҳои илмӣ ба талаботи Қоидаҳои таҳияи Феҳристи маҷаллаҳои (нашрияҳои) илмии тақризшавандаи Ҷумҳурии Тоҷикистон (қарори Раёсати Комиссия аз 27 апрели соли 2017, №1/2) ба таври мунтазам аз ҷониби шуъбаҳои аттестатсионӣ дар якҷоягӣ бо шуъбаҳои экспертӣ мониторинги муҳтавои маҷаллаҳои илмӣ гузаронида мешавад.
АКС: АМИТ «Ховар»
Даври ҷумҳуриявии озмуни «Мураббии сол — Тоҷикистон-2026» оғоз гардид
Эмомалӣ Раҳмон: «Муассисаи таълимии №6-и шаҳри Хоруғ ба номи шодравон Алишери Мирзонабот гузошта шавад»
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бинои нави муассисаи таҳсилоти миёнаи умумии №6-ро мавриди истифода қарор доданд
Солҳои охир теъдоди муассисаҳои таълимӣ дар Бадахшон ба таври бесобиқа афзоиш ёфтааст
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Байни Академияи идоракунии давлатии Тоҷикистон ва Донишгоҳи технологии Ланҷоу Ёддошти тафоҳум ба имзо расид
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
